April 21, 2021
April 21, 2021
ദോഹ : ഖത്തറിന് പുറത്തുനിന്നും വാക്സിനെടുക്കുന്നവർക്ക് ഖത്തറിൽ തിരിച്ചെത്തിയാൽ ഹോട്ടൽ കൊറന്റൈനിൽ ഉൾപെടെ ഇളവുകൾ അനുവദിക്കുമെന്നിരിക്കെ ഇന്ത്യയിൽ നൽകുന്ന കോവിഷീൽഡ് വാക്സിന് അനുമതി നൽകുമെന്ന് ഖത്തർ പൊതുജനാരോഗ്യമന്ത്രാലയം അറിയിച്ചു.ഇതുമായി ബന്ധപ്പെട്ടു നിലനിൽക്കുന്ന ആശയക്കുഴപ്പങ്ങളെ തുടർന്ന് പ്രോട്ടോക്കോൾ വിഭാഗത്തിന് ഇ മെയിൽ വഴി അയച്ച സംശയങ്ങൾക്കുള്ള മറുപടിയായാണ് അധികൃതർ ഇക്കാര്യം വ്യക്തമാക്കിയത്.
അതേസമയം,വ്യക്തിപരമായി അയക്കുന്ന സംശയങ്ങൾക്കുള്ള മറുപടിയായാണ് അധികൃതർ ഇക്കാര്യം വിശദീകരിക്കുന്നത്.ആസ്ട്രസെനക്ക വാക്സിനും ഇന്ത്യയിലെ കോവിഷീൽഡ് വാക്സിനും ഒരേ ഗണത്തിൽ പെട്ടവയായതിനാൽ ഇന്ത്യയിൽ നിന്ന് കോവിഷീൽഡ് സ്വീകരിച്ചു തിരിച്ചെത്തുന്നവർക്ക് ഹോട്ടൽ കൊറന്റൈൻ ഉൾപ്പെടെയുള്ള ഇളവുകൾ ലഭിക്കുമെന്നാണ് ഇതിൽ നിന്ന് മനസിലാകുന്നത്.എന്നാൽ ഇതുസംബന്ധിച്ച ഔദ്യോഗികമായ അറിയിപ്പ് ഉടൻ ഉണ്ടായേക്കുമെന്നാണ് പ്രതീക്ഷിക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക