May 18, 2021
May 18, 2021
ദോഹ: അൽജസീറയുടേത് ഉൾപെടെയുള്ള മാധ്യമ സ്ഥാപനങ്ങളുടെ ആസ്ഥാനം തകർത്തതിന് പിന്നാലെ ഗസ്സയിലെ ഖത്തർ റെഡ് ക്രെസെന്റ് ഓഫീസും ഇസ്രായേൽ ബോംബിട്ട് തകർത്തു.ഗാസ്സയിലെ ഖത്തർ റെഡ് ക്രെസെന്റ് ഹെഡ് ക്വാർട്ടേഴ്‌സ് ആണ് ഇസ്രായേൽ വ്യോമാക്രമണത്തിൽ തകർന്നതെന്നാണ് റിപ്പോർട്ട് . കരുതിക്കൂട്ടിയുള്ള ആക്രമണമാണ് ഇസ്രായേൽ നടത്തിയതെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.
മിസൈൽ ആക്രമണത്തിൽ രണ്ട് പേർ കൊല്ലപ്പെട്ടതായും പത്തിലധികം പേർക്ക് പരിക്കുപറ്റിയതായും ഖത്തർ റെഡ് ക്രെസെന്റ് ട്വീറ്റ് ചെയ്തു. ആക്രമണം കൊണ്ട് ആത്മവീര്യം തകർക്കാനാവില്ലെന്നും റെഡ് ക്രെസെന്റ് അതിന്റെ പ്രവർത്തനവുമായി മുമ്പോട്ട് പോകുമെന്നും റെഡ് ക്രസന്റ് ട്വീറ്റ് ചെയ്തു.
നേരത്തെ അൽ ജസീറയും ഡസൻകണക്കിന് അന്താരാഷ്ട്ര മാധ്യമങ്ങളും പ്രവർത്തിക്കുന്ന പന്ത്രണ്ട് നിലയുള്ള കെട്ടിടം ഇസ്രായേൽ ബോംബാക്രമണത്തിൽ തകർന്നിരുന്നു.
അതിനെതിരെ അന്താരാഷ്ട്രതലത്തിൽ പ്രതിഷേധം ഉയരുന്നതിനിടയിലാണ് വീണ്ടും ഇസ്രയേലിന്റെ ആക്രമണം.ഇസ്രായേലി ബോംബാക്രമണങ്ങളിൽ സർവ്വതും നഷ്ടപ്പെട്ട ഫലസ്തീനികളെ സഹായിക്കാൻ ഒരു മില്യൺ ഡോളർ അടിയന്തിര സഹായം നൽകുമെന്ന് ഖത്തർ റെഡ് ക്രെസെന്റ് സൊസൈറ്റി പ്രഖ്യാപിച്ചിരുന്നു.
മരുന്നുകൾ, ആംബുലൻസ്, മെഡിക്കൽ ഉപകരണങ്ങൾ, കോവിഡ് പ്രതിരോധ ഉപകരണങ്ങൾ, ഭക്ഷണം എന്നിവക്കു വേണ്ടിയാണ് ഈ അടിയന്തിര സഹായം ഉപയോഗിക്കുക.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
