December 28, 2021
December 28, 2021
ദോഹ : ട്രാഫിക് നിയമലംഘനങ്ങൾ ഒരു വർഷത്തിനകം പിഴയടച്ച് പരിഹരിച്ചില്ലെങ്കിൽ നിയമനടപടികൾ എടുക്കുമെന്ന് ട്രാഫിക് വിഭാഗം മേധാവി കേണൽ ജാബിർ മുഹമ്മദ് റാഷിദ്‌ ഒഡൈബ. ഖത്തർ ടീവിയോട് സംസാരിക്കവെയാണ് ഒഡൈബ ഇക്കാര്യം അറിയിച്ചത്. ഇത്തരം കേസുകളിൽ വാഹനത്തിന്റെ രെജിസ്ട്രേഷൻ ട്രാഫിക് ഡിപ്പാർട്ട്മെന്റ് പുതുക്കുകയും, കേസിന്റെ തുടർനടപടികൾ അതത് ഡിപ്പാർട്ടുകൾ ഏറ്റെടുക്കുകയും ചെയ്യും.
അൻപത് ശതമാനം പിഴയിളവോടെ ട്രാഫിക്ക് നിയമലംഘനങ്ങൾ ഒത്തുതീർപ്പാക്കാൻ അനുവദിച്ച സമയപരിധി 2022 മാർച്ച്‌ 17 ന് അവസാനിക്കുമെന്നും, അവസരം വിനിയോഗിക്കണമെന്നും ഒഡൈബ ഓർമിപ്പിച്ചു. ട്രാഫിക്ക് പിഴകൾ ഒരുമാസത്തിനകം അടയ്ക്കുന്ന ആളുകൾക്കും 50 ശതമാനം ഇളവ് നൽകുമെന്നും മേധാവി കൂട്ടിച്ചേർത്തു.
