August 17, 2022
August 17, 2022
ദോഹ: ഖത്തറിലെ ദന്ത ചികിത്സാ രംഗത്ത് ശ്രദ്ധേയമായ ചുവടുവെപ്പുമായി പ്രോമിസ് മെഡിക്കൽ ഗ്രൂപ്പ്.സാമൂഹ്യ സാംസ്കാരിക രംഗങ്ങളിലും ആരോഗ്യ മേഖലയിലും സജീവ സാന്നിധ്യമായ സജീവ സാന്നിധ്യമായ ഡോ.അബ്ദുൽ സമദിന്റെ നേതൃത്വത്തിലുള്ള പ്രോമിസ് ഡെന്‍റൽ കെയർ മദീന ഖലീഫ ശാഖയുടെ ഉദ്ഘാടനം വെള്ളിയാഴ്ച നടക്കും. വൈകുന്നേരം നാലുമണിക്ക് പാണക്കാട് മുനവ്വറലി ശിഹാബ് തങ്ങൾ ഡെന്‍റൽ കെയറിന്‍റെ ഉദ്ഘാടനം നിർവഹിക്കുമെന്ന് പ്രോമിസ് മെഡിക്കൽ ഗ്രൂപ്പ് ചെയർമാനും സി.ഇ.ഒയുമായ ഡോ. അബ്ദു സമദ് വാർത്താ സമ്മേളനത്തിൽ അറിയിച്ചു. മുഖ്യാതിഥിയായി മുൻ എം.എൽ.എ പാറക്കൽ അബ്ദുല്ല ഉൾപ്പെടെ പ്രമുഖർ പങ്കെടുക്കും.
ദന്തരോഗ ചികിത്സാ മേഖലയിൽ 30 വർഷത്തെ പ്രവർത്തന പരിചയമുള്ള ഡോ. അബ്ദുസമദ് 13 വർഷം മുമ്പ് അൽ റയ്യാനിൽ സ്ഥാപിച്ച റയ്യാൻ ഡെന്‍റൽ സെൻററിലൂടെയാണ് പ്രോമിസ് മെഡിക്കൽ ഗ്രൂപ്പ് ദന്ത പരിചരണ മേഖലയിൽ പ്രവേശിക്കുന്നത്. തുടർന്ന് രാജ്യത്തിന്‍റെ വിവിധ മേഖലകളിലേക്ക് ശാഖകൾ വിപുലീകരിച്ച പ്രോമിസ് ഖത്തറിലെ മുൻ നിര ദന്ത പരിചരണ സ്ഥാപനമായി സ്വദേശികൾക്കും പ്രവാസികൾക്കുമിടയിൽ ശ്രദ്ധനേടി കഴിഞ്ഞതായി ഡോ. അബ്ദു സമദ് പറഞ്ഞു. ഇസ്ഗാവ, മുഐതർ, ഉം അൽദും തുടങ്ങിയ മേഖലകളിൽ പ്രോമിസ് ഡെന്‍റർ കെയർ പ്രവർത്തിക്കുന്നുണ്ട്. ഇതിനകം ഒരു ലക്ഷത്തോളം പേർക്ക് രാജ്യാന്തര നിലവാരത്തിലെ ചികിത്സ ഉറപ്പാക്കാൻ കഴിഞ്ഞതായി മാനേജ്മെന്റ് അറിയിച്ചു.
ഡെന്‍റൽ ഇൻ പ്ലാൻസ്, പെഡോഡോണ്ടിക്സ്, ഓർത്തോ ഡോൺടിക്സ്, എൻഡോഡോൺടിക്സ് തുടങ്ങി പല്ലു രോഗവുമായി ബന്ധപ്പെട്ട വിവിധ വിഭാഗങ്ങളിൽ വൈദഗ്ധ്യം നേടിയ ഡോക്ടർമാർ ഉൾപ്പെടെ 50 മെഡിക്കൽ സ്റ്റാഫ് ഉൾപ്പെടുന്നതാണ് മദീന ഖലീഫ ശാഖയിലെ ചികിത്സാ വിഭാഗമെന്ന് ഡോ. അബ്ദു സമദ് വ്യക്തമാക്കി..
അറബി, ഇംഗ്ലീഷ്, ഉറുദു, ഹിന്ദി, മലയാളം, തെലങ്ക്, ബംഗാളി, തമിഴ് ഉൾപ്പെടെ വിവിധ ഭാഷകളിൽ മെഡിക്കൽ സംഘവുമായി രോഗികൾക്ക് ആശയവിനിമയം നടത്താനുള്ള സംവിധാനവുമുണ്ട്. പ്രായഭേദമന്യേ എല്ലാ വിഭാഗം ആളുകൾക്കും ചികിത്സ ഉറപ്പാക്കുന്നതിനും, അത്യാധുനിക ചികിത്സാ സംവിധാനങ്ങൾ ഒരു കുടക്കീഴിൽ കൊണ്ടുവരാനും പ്രോമിസിന് കഴിയുന്നതായി മാനേജ്മെന്റ് അറിയിച്ചു.
.
പ്രവാസികൾ ഉൾപ്പെടെ എല്ലാ വിഭാഗക്കാർക്കും ചുരുങ്ങിയ ചിലവിൽ മെച്ചപ്പെട്ട ചികിത്സ ഉറപ്പാക്കുന്നതാണ് തങ്ങളുടെ സവിശേഷതയെന്ന് സി.ഇ.ഒ അറിയിച്ചു. കമ്പനികൾ, സ്കൂൾ ജീവനക്കാർ, ഹമദ് ആശുപത്രി, പി.എച്ച്.സി.സി ഉൾപ്പെടെ സർക്കാർ സ്ഥാപനങ്ങളിലെ ജീവനക്കാർ എന്നിവർക്കും കുടുംബാംഗങ്ങൾക്കും ഇളവുകൾ നൽകുന്ന സ്പെ ഷൽ പ്രിവിലേജ് കാർഡും പുറത്തിറക്കിയതായി ഡോ. അബ്ദുസമദ് പറഞ്ഞു.
വാർത്താ സമ്മേളനത്തിൽ പ്രോമിസ് മെഡിക്കൽ സെന്‍റർ ചെയർമാൻ മുഹമ്മദ് സുൽതാൻ അൽ അലി, പ്രോമിസ് മെഡിക്കൽ ഗ്രൂപ്പ് ഡയറക്ടർ നജീബ് ഇല്ലത്ത്, ഡെന്‍റൽ സെന്‍റർ ഡയറക്ടർ ഡോ. സമീർ അലി അരക്കണ്ടിയിൽ, മെഡിക്കൽ ഡയറക്ടർ ഡോ. അയ്ഹാം അൽ മുബാറക്, ഡോ. അജയ് ചാക്കോ, ഡോ. ഷമീം ജമാൽ എന്നിവരും പങ്കെടുത്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
