January 17, 2022
January 17, 2022
ദോഹ : കോവിഡിന്റെ മൂന്നാം തരംഗത്തിൽ പതറുന്ന ഖത്തറിന് ആശ്വാസമേകുന്ന വാക്കുകളുമായി ഡോക്ടർ ലൈത്ത് ജമാൽ അബ്ദു റദ്ദാദ്‌. ഒമിക്രോൺ അധികം വൈകാതെ തന്നെ പിൻവാങ്ങുമെന്നാണ് വെയ്ൽ കോർണൽ കോളേജിലെ പകർച്ചവ്യാധി ഇൻവെസ്റിഗേറ്ററായ റദ്ദാദിന്റെ നിരീക്ഷണം.
"വളരേ വേഗത്തിൽ പകരുന്ന വകഭേദമാണ് ഒമിക്രോൺ. ഇത് അപകടമാണെങ്കിലും, ഒമിക്രോണിന്റെ ഈ കഴിവ് ഒരർത്ഥത്തിൽ അനുഗ്രഹവുമാണ്. വേഗത്തിൽ പകരുന്നതിനാൽ ഈ വകഭേദം അധികം വൈകാതെ തന്നെ ഭൂമുഖത്ത് നിന്നും അപ്രത്യക്ഷമാവും"- റദ്ദാദ്‌ അഭിപ്രായപ്പെട്ടു. അതേസമയം, ബൂസ്റ്റർ ഡോസ് വാക്സിനേഷൻ അടക്കമുള്ള പ്രതിരോധ നടപടികളിൽ ഒരു വിട്ടുവീഴ്ചയും പാടില്ലെന്നും അദ്ദേഹം കൂട്ടിച്ചേർത്തു.
