June 24, 2022
June 24, 2022
ദോഹ: രാഹുൽ ഗാന്ധി എംപിയുടെ ഓഫീസിസ് എസ് .എഫ്.ഐ പ്രവർത്തകർ ആക്രമിക്കുകയും ,ജീവനക്കാരെ ക്രൂരമായി മർദിച്ച്‌ ഓഫീസ് അടിച്ച് തകർക്കുകയും ചെയ്ത സംഭവത്തിൽ ഒ.ഐ.സി.സി-ഇൻകാസ് ഖത്തർ സെൻട്രൽ കമ്മിറ്റി ശക്തമായ പ്രതിഷേധം അറിയിച്ചു. എസ്.എഫ്.ഐ-ഡിവൈഎഫ്ഐ അക്രമികളുടെ നടപടി സംഘപരിവാർ രാഷ്ട്രീയവും ചുവപ്പിൻ്റെ രാഷ്ട്രീയവും ഒന്നാണന്ന് തെളിയിക്കുന്നതാണെന്ന് ഖത്തർ സെൻട്രൽ കമ്മറ്റി പ്രസിഡൻറ് സമീർ ഏറാമല പ്രസ്താവനയിൽ അറിയിച്ചു
സ്വർണ്ണ കള്ളക്കടത്തു കേസിൽ കേന്ദ്ര ഏജൻസികളുടെ അന്വേഷണങ്ങൾ അട്ടിമറിക്കാൻ കേന്ദ്രത്തിലെ ബിജെപി നേതൃത്വത്തെയും നരേന്ദ്ര മോദിയെയും സന്തോഷിപ്പിക്കാൻ മുഖ്യമന്ത്രി പിണറായി വിജയൻ നൽകിയ കൊട്ടേഷനാണ് അക്രമമെന്ന് പ്രസ്താവനയിൽ ആരോപിച്ചു. സ്വർണ്ണക്കടത്ത്,കെ.റെയിൽ വിഷയങ്ങളിൽ സംശയത്തിന്റെ നിഴലിൽ നില്കുന്ന പിണറായി വിജയനും ഇടതു പക്ഷ സർക്കാറും ജനശ്രദ്ധ തിരിച്ചുവിടാനുള്ള ആസൂത്രിത നീക്കമാണ് ആക്രമണത്തിലൂടെ നടത്തുന്നത്..പിണറായി സർക്കാരിന്റെ തെറ്റായ നയങ്ങൾക്കെതിരെ യു.ഡി.എഫ് നടത്തിവരുന്ന ജനകീയ സമരങ്ങൾക്ക് ലഭിക്കുന്ന വർദ്ധിച്ചുവരുന്ന ജനപിന്തുണ വിറളി പൂണ്ട മുഖ്യമന്ത്രി ഇത്തരം സംഘം ചേർന്നുള്ള ആക്രമണങ്ങളിലൂടെ കോൺഗ്രസ്സിനെ തളർത്താമെന്ന് കരുതുന്നത് വെറും വ്യാമോഹം മാത്രമാണ്.-സെൻട്രൽ കമ്മറ്റി പുറത്തിറക്കിയ പ്രസ്താവനയിൽ കുറ്റപ്പെടുത്തി.
അതേസമയം,വയനാട്ടിൽ രാഹുൽ ഗാന്ധിയുടെ എംപി ഓഫീസ് ആക്രമിച്ച എസ്എഫ്ഐ നടപടിയെ തള്ളി സിപിഎം. രാഹുൽ ഗാന്ധിയുടെ ഓഫീസിലേക്ക് മാര്ച്ച് നടത്തേണ്ട ഒരാവശ്യവും ഇല്ലെന്ന് ഇടതുമുന്നണി കണ്‍വീന‍ര്‍ ഇ.പി.ജയരാജൻ പറഞ്ഞു. എന്താണ് നടന്നതെന്ന് അറിയില്ലെന്നും ഇക്കാര്യം പരിശോധിച്ചു പറയാമെന്നും ഇപി ജയരാജൻ പറഞ്ഞു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
