January 18, 2022
January 18, 2022
ദോഹ : മെഡിക്കൽ ആവശ്യങ്ങൾ അറിയിക്കാനായി ഏർപ്പെടുത്തിയ ടോൾ ഫ്രീ നമ്പറായ 16000 ദുരുപയോഗം ചെയ്യരുതെന്ന് ഖത്തർ ആരോഗ്യ മന്ത്രാലയം. ആളുകൾ ഈ നമ്പറിൽ ബന്ധപ്പെട്ട് കോവിഡ് പരിശോധനയുടെ ഫലം അന്വേഷിക്കുന്നതായി ശ്രദ്ധയിൽ പെട്ടിട്ടുണ്ട്. ഈ സേവനം അതിനുള്ളതല്ല, ഫലം തയ്യാറായാൽ എസ്.എം.എസ് സന്ദേശത്തിലൂടെ അറിയിക്കും. മന്ത്രാലയം ട്വിറ്ററിൽ കുറിച്ചു.
24 മണിക്കൂറും പ്രവർത്തിക്കുന്ന ഈ ടോൾഫ്രീ നമ്പർ വഴി ചികിത്സ, മരുന്നുകളുടെ ഹോം ഡെലിവറി, വീടുകളിൽ ഐസൊലേഷനിൽ കഴിയുന്നതിന് ആവശ്യമായ നിർദേശങ്ങൾ എന്നിവയാണ് നൽകുന്നത്. വാക്സിന്റെ കാലാവധി സംബന്ധിച്ചുള്ള കാര്യങ്ങൾ അറിയാനും ഈ നമ്പർ ഉപയോഗിക്കാം. കോവിഡ് ഇതര അസുഖങ്ങൾക്കാണ് 16000 ലൂടെ ചികിത്സ ലഭ്യമാവുക.