December 27, 2021
December 27, 2021
ദോഹ : സൗദി, കുവൈത്ത് ഉൾപ്പെടെ ഏഴോളം രാജ്യങ്ങളെ കൂടി ഖത്തറിന്റെ ട്രാവൽ റെഡ് ലിസ്റ്റിൽ ഉൾപ്പെടുത്തി എന്ന വാർത്ത പിൻവലിച്ച് ഖത്തർ എയർവേയ്‌സ്. ഒടുവിൽ കിട്ടുന്ന റിപ്പോർട്ടുകൾ പ്രകാരം ഖത്തറിന്റെ ട്രാവൽ റെഡ് ലിസ്റ്റിൽ മാറ്റങ്ങൾ ഇല്ല. ഖത്തർ എയർവേയ്‌സിന്റെ പോസ്റ്റിന് പിന്നാലെ ആശയക്കുഴപ്പം ഉടലെടുത്തിരുന്നു.
ഒടുവിൽ, ട്രാവൽ റെഡ് ലിസ്റ്റിൽ ഭേദഗതി വരുത്തിയിട്ടില്ല എന്ന ഔദ്യോഗിക അറിയിപ്പുമായി പൊതുജനാരോഗ്യമന്ത്രാലയം രംഗത്തെത്തുകയായിരുന്നു. ഡിസംബർ 26 വൈകീട്ട് മുതൽ യാത്രാ മാനദണ്ഡങ്ങളിൽ മാറ്റങ്ങൾ വരുത്തുന്നു എന്നായിരുന്നു ഖത്തർ എയർവേയ്‌സിന്റെ അറിയിപ്പ്.മൂന്ന് ഗൾഫ് രാജ്യങ്ങൾ ഉൾപെടെ ഏഴ് രാജ്യങ്ങളെ കൂടി റെഡ് ലിസ്റ്റിൽ ഉൾപെടുത്തിയതായി അറിയിച്ചുകൊണ്ടുള്ള സർക്കുലറും നേരത്തെ ബന്ധപ്പെട്ട വിവിധ വകുപ്പുകളിലേക്ക് അയച്ചിരുന്നു.ഇതിന്റെ അടിസ്ഥാനത്തിൽ ഖത്തറിലെ പ്രമുഖമാധ്യമങ്ങളും വാർത്ത റിപ്പോർട്ട് ചെയ്തിരുന്നു.എന്നാൽ, വാർത്ത തെറ്റാണെന്ന് സ്ഥിരീകരിച്ച പൊതുജനാരോഗ്യ മന്ത്രാലയം, ഔദ്യോഗിക സ്രോതസ്സുകളിൽ നിന്നുള്ള വാർത്ത മാത്രമേ പിന്തുടരാവൂ എന്ന് പൊതുജനങ്ങൾക്ക് മുന്നറിയിപ്പും നൽകി.
