December 30, 2021
December 30, 2021
ദോഹ : കോവിഡ് വ്യാപനം വർധിക്കുന്നത് കണക്കിലെടുത്ത്, തൊഴിലാളികൾക്കായി പ്രത്യേക വാക്സിനേഷൻ കേന്ദ്രം ഒരുക്കുമെന്ന് ഖത്തർ ആരോഗ്യ മന്ത്രാലയം അറിയിച്ചു. ബുഗാർനിൽ ആരംഭിക്കുന്ന കേന്ദ്രം 2022 ജനുവരി ഒൻപത് മുതലാണ് തുറന്നു പ്രവർത്തിക്കുക. അപ്പോയിന്റ്മെന്റ് അടിസ്ഥാനമാക്കി പ്രവർത്തിക്കുന്ന ഈ കേന്ദ്രത്തിൽ ദിനംപ്രതി 30,000 ഡോസ് വാക്സിനുകൾ നൽകാൻ കഴിയുമെന്ന് അധികൃതർ അറിയിച്ചു.
പൊതുജനാരോഗ്യമന്ത്രാലയം, ആഭ്യന്തര മന്ത്രാലയം, വ്യവസായ മന്ത്രാലയം എന്നിവർക്കൊപ്പം ഹമദ് മെഡിക്കൽ കോർപറേഷൻ, പ്രൈമറി ഹെൽത്ത് കെയർ കോർപറേഷൻ, കൊണോകോ ഫിലിപ്സ് -ഖത്തർ എന്നിവരുടെ സഹകരണത്തോടെയാണ് കേന്ദ്രം ആരംഭിക്കുന്നത്. ബൂസ്റ്റർ ഡോസിനാണ് കേന്ദ്രത്തിൽ പ്രാധാന്യമെങ്കിലും, ആദ്യ രണ്ട് ഡോസുകൾ സ്വീകരിക്കാത്തവർക്കും ഇവിടെ വാക്സിന് വേണ്ടി ബുക്ക് ചെയ്യാമെന്ന് അധികൃതർ അറിയിച്ചു.
