October 12, 2021
October 12, 2021
ദോഹ :ഖത്തർ യൂണിവേഴ്സിറ്റി മെട്രോ സ്റ്റേഷനെയും, ഗോൾഫ് ജംക്ഷൻ എന്നറിയപ്പെടുന്ന അൽ തർഫ ജംക്ഷനെയും ബന്ധിപ്പിക്കുന്ന പുതിയ റോഡിന്റെ പണികൾ പൂർത്തിയാക്കിയതായി അഷ്‌ഗാൽ അറിയിച്ചു. മെട്രോ സ്റ്റേഷനിലേക്ക് എളുപ്പത്തിൽ എത്താനും, ക്യാമ്പസിന് ചുറ്റുമുള്ള ഗതാഗതകുരുക്ക് നിയന്ത്രിക്കാനും പുതിയ റോഡ് ഉപകരിക്കുമെന്നാണ് പ്രതീക്ഷിക്കുന്നത്. റോഡിൽ ആവശ്യമായ അടയാളങ്ങൾ രേഖപ്പെടുത്തുകയും, വിളക്കുകൾ സ്ഥാപിക്കുകയും ചെയ്തതായി അഷ്‌ഗാൽ ട്വിറ്ററിലൂടെ അറിയിച്ചു. 2.5 കിലോമീറ്റർ നീളമുള്ള നടപ്പാതയും സൈക്കിൾ പാതയും റോഡിനോട് ചേർന്നു തയ്യാറാക്കിയിട്ടുണ്ട്. വൈകാതെ തന്നെ റോഡ് പൊതുഗതാഗതത്തിനായി തുറന്ന് നൽകും.
