October 28, 2021
October 28, 2021
ദോഹ : ആരോഗ്യവകുപ്പിന്റെ പുതിയ പദ്ധതികളായ മെസെയ്‌ദ്, റാസ് ലഫാൻ ആശുപതികൾ വൈകാതെ പ്രവർത്തനം ആരംഭിക്കുമെന്ന് അധികൃതർ വ്യക്തമാക്കി. അഷ്‌ഗാലിനൊപ്പം ചേർന്ന് മാനസിക ആരോഗ്യകേന്ദ്രം നവീകരിക്കാനും പദ്ധതിയുണ്ടെന്ന് ഖത്തർ ന്യൂസ് ഏജൻസിക്ക് നൽകിയ പ്രത്യേക അഭിമുഖത്തിൽ അധികൃതർ അറിയിച്ചു.
120 വീതം കിടക്കകളുള്ള ആശുപത്രികളാണ് മെസെയ്ദിലും റാസ് ലഫാനിലും ഒരുങ്ങുന്നത്. അത്യാധുനിക സൗകര്യങ്ങളോടെ നിർമിക്കുന്ന ഈ ആശുപത്രികളിൽ പുരുഷൻമാർക്ക് മാത്രമായിരിക്കും ചികിത്സ നൽകുക. ഹമദ് ബിൻ ഖലീഫ മെഡിക്കൽ സിറ്റിയിലെ കെയർ സെന്ററിൽ വയോധികർക്കായി ചികിത്സാസൗകര്യം ഒരുക്കാനും ആരോഗ്യമന്ത്രാലയം തീരുമാനിച്ചിട്ടുണ്ട്. അൽവക്ര ആശുപത്രിയുടെ അരികിലുള്ള അൽമാഹ ശിശുസംരക്ഷണകേന്ദ്രത്തിൽ സൗകര്യങ്ങൾ വർധിപ്പിക്കുമെന്നും അധികൃതർ കൂട്ടിച്ചേർത്തു.
