January 20, 2022
January 20, 2022
ദോഹ : ഹമദ് മെഡിക്കൽ കോർപറേഷന് കീഴിലുള്ള ദന്തരോഗവിഭാഗം ക്ലിനിക്കുകളിൽ ചികിത്സയ്ക്ക് എത്തുന്നവർക്കായി പ്രത്യേക മാർഗ്ഗനിർദ്ദേശങ്ങൾ പുറപ്പെടുവിച്ചു. ഹമദിന്റെ ഔദ്യോഗിക ട്വിറ്റർ അകൗണ്ടിലൂടെയാണ് നിർദേശങ്ങൾ പ്രസിദ്ധീകരിച്ചത്. കോവിഡ് വ്യാപനം തടയാനാണ് പുതിയ നടപടി ക്രമങ്ങളെന്നും അധികൃതർ വിശദീകരിച്ചു.
കോവിഡ് വ്യാപന ഭീഷണി നിലനിൽക്കുന്നതിനാൽ പരിമിതമായ ബുക്കിങ്ങുകൾ മാത്രമേ ദന്തരോഗ ക്ലിനിക്കുകളിൽ സ്വീകരിക്കൂ. ബുക്ക് ചെയ്ത ഏതെങ്കിലും വ്യക്തിക്ക് നിശ്ചിത സമയത്ത് ക്ലിനിക്കിൽ എത്താൻ കഴിയില്ലെങ്കിൽ അക്കാര്യം അധികൃതരെ അറിയിക്കണം. ആ അവസരം മറ്റൊരാൾക്ക്‌ നൽകാൻ വേണ്ടിയാണ് ഈ നിർദേശം. രോഗികൾ ആശുപത്രിയിലേക്ക് ഒറ്റക്ക് വരണമെന്നും, (മറ്റ് ഗുരുതര രോഗങ്ങളോ ശാരീരിക പരിമിതികളോ ഇല്ലെങ്കിൽ ) കുട്ടികളുടെ കൂടെ ഒരാൾക്ക് വരാമെന്നും ഹമദ് അധികൃതർ വ്യക്തമാക്കി. ക്ലിനിക്കിൽ എത്തുമ്പോൾ മാസ്ക് ധരിക്കുകയും ഇഹ്തിറാസ് ആപ്പ് കാണിക്കുകയും വേണമെന്നും ഹമദ് ആശുപത്രി കൂട്ടിച്ചേർത്തു.
