November 20, 2021
November 20, 2021
ദോഹ : ഖത്തറിൽ പുതിയ ബീച്ചുകളുടെ നിർമാണം അന്തിമഘട്ടത്തിലാണെന്ന് സൂപ്പർവൈസറി കമ്മറ്റി. ഖത്തർ ടീവിയിലെ പ്രോഗ്രാമിലാണ് സൗന്ദര്യവൽക്കരണ സൂപ്പർ വൈസറി കമ്മറ്റിയുടെ പ്രോജക്ട് മാനേജറായ എൻജിനീയർ ജാസിം അബ്ദുൾറഹ്മാൻ ഫക്രു ഈ പ്രഖ്യാപനം നടത്തിയത്.
റാസ് അബു അബൗദ് സ്റ്റേഡിയത്തിന് സമീപത്തായി ഒരുങ്ങുന്ന റാസ് അബു അബൗദ് ബീച്ച്, വെസ്റ്റ് ബേ നോർത്ത് ബീച്ച് തുടങ്ങി നിരവധി ബീച്ചുകളാണ് ഉദ്ഘാടനത്തിന് ഒരുങ്ങുന്നത്. വെസ്റ്റ് ബേ മെട്രോ സ്റ്റേഷനിൽ നിന്നും കേവലം പത്ത് മിനിറ്റ് മാത്രമാവും പുതിയ ബീച്ചിലേക്കുള്ള അകലം. റാസ് അബു അബൗദിൽ ടൂറിസ്റ്റുകൾക്കും കുടുംബങ്ങൾക്കും സമയം ചെലവഴിക്കാൻ ഉതകുന്നൊരു ബീച്ച് നിർമിക്കാനാണ് അധികൃതരുടെ പദ്ധതി. ആദ്യഘട്ടത്തിൽ ആറ് ബീച്ചുകളാവും ഉദ്ഘാടനം ചെയ്യപ്പെടുകയെന്നും ജാസിം അബ്ദുറഹ്മാൻ വ്യക്തമാക്കി. ഖത്തർ നാഷണൽ വിഷൻ 2030 പദ്ധതിയുടെ ഭാഗമായാണ് ബീച്ചുകൾ ഒരുങ്ങുന്നത്.