May 01, 2022
May 01, 2022
ദോഹ : ഈദുൽ ഫിത്ർ ആഘോഷങ്ങൾക്കായി ഖത്തറിലെ പാർക്കുകളും ബീച്ചുകളും സജ്ജമായതായി അധികൃതർ അറിയിച്ചു.പാർക്കുകളിൽ എത്തുന്ന സന്ദർശകർക്കുള്ള നിർദേശങ്ങളും സമയക്രമവും മുനിസിപ്പൽ മന്ത്രാലയം പുറത്തിറക്കി.പാർക്കുകളിൽ എത്തുന്ന മറ്റു സന്ദർശകർക്ക് ബുദ്ധിമുട്ടാകുന്ന തരത്തിൽ പെരുമാറരുതെന്നും മറ്റുള്ളവരുടെ സൗകര്യങ്ങൾക്ക് ഭംഗം വരുത്തരുതെന്നും അധികൃതർ നിർദേശിച്ചു.സന്ദർശകരുടെ സുരക്ഷയും പൊതു ശുചിത്വവും ഉറപ്പു വരുത്തണം.മാലിന്യം വലിച്ചെറിയാതെ നിശ്ചിത സ്ഥാനങ്ങളിൽ മാത്രം നിക്ഷേപിക്കണമെന്നും സുരക്ഷാ ഗാർഡുകളുമായി സഹകരിക്കണമെന്നും മന്ത്രാലയം നിർദേശിച്ചു.കളിസ്ഥലങ്ങളിൽ വിനോദങ്ങളിൽ ഏർപ്പെടുന്ന കുട്ടികളുടെ സുരക്ഷ ഉറപ്പാക്കണമെന്നും നിർദേശിച്ചിട്ടുണ്ട്.
പാർക്കുകളിൽ സന്ദർശകരെ അനുവദിക്കുന്ന സമയം :
അൽ ഫുർജാൻ പാർക്ക് (പ്രവേശനം കുടുംബങ്ങൾക്കും സ്ത്രീകൾക്കും കുട്ടികൾക്കും മാത്രം) : രാവിലെ 5 മുതൽ വെളുപ്പിന് 1 മണി വരെ.
അൽഖോർ ഫാമിലി പാർക്ക് : രാവിലെ 8 മണി മുതൽ അർധരാത്രി വരെ.
മറ്റ് പൊതു പാർക്കുകളിൽ സുരക്ഷാ ജീവനക്കാരുടെ മേൽനോട്ടത്തിൽ 24 മണിക്കൂറും പ്രവേശനം അനുവദിക്കും.
