August 08, 2021
August 08, 2021
ദോഹ: ബാഴ്‌സലോണ വിട്ട ഇതിഹാസതാരം ലയണല്‍ മെസ്സി ഖത്തര്‍ ഉടമസ്ഥതയിലുള്ള, പാരീസിലെ പാരിസ്-സെയിന്റ് ജര്‍മ്മന്‍ (പി.എസ്.ജി) എഫ്.സിയില്‍. ഇതിന്റെ ഔദ്യോഗിക ചര്‍ച്ചകള്‍ പൂര്‍ത്തിയായതായി ഖത്തര്‍ അമീറിന്റെ സഹോദരന്‍ ശൈഖ് ഖാലിദ് ബിന്‍ ഹമദ് ബിന്‍ ഖലീഫ അല്‍താനി ട്വിറ്ററില്‍ രേഖപ്പെടുത്തുകയായിരുന്നു. ഖത്തര്‍ സര്‍ക്കാരിന്റെ ഖത്തര്‍ ഇന്‍വെസ്റ്റ്മെന്റ് അതോറിറ്റിയുടെ കീഴില്‍ പ്രവര്‍ത്തിക്കുന്ന ഖത്തര്‍ സ്‌പോര്‍ട്ട് അതോറിറ്റിക്കാണ് പിഎസ്ജി ക്ലബ്ബിന്റെ ഉടമസ്ഥാവകാശം.
ലയണല്‍ മെസിയുമായുള്ള കരാര്‍ ചര്‍ച്ചകള്‍ ഔദ്യോഗികമായി പൂര്‍ത്തിയായായതായും ട്രാന്‍സ്ഫര്‍ പിന്നീട് പ്രഖ്യാപിക്കുമെന്നുമാണ് റിപ്പോര്‍ട്ട്. പാരീസ് സെന്റ് ജര്‍മ്മനുമായുള്ള മെസിയുടെ കരാര്‍ 3 വര്‍ഷത്തേക്കാണെന്നാണ് വിവരം.
