May 04, 2022
May 04, 2022
ദോഹ : ഇന്ത്യയിലെ വിദ്യാഭ്യാസ മന്ത്രാലയത്തിന് കീഴിലുള്ള എല്ലാ കേന്ദ്ര സർവ്വകലാശാലകളിലേക്കും ബിരുദ,പിജി കോഴ്സുകളിലേക്കുള്ള കോമൺ യൂണിവേഴ്സിറ്റി എൻട്രൻസ് ടെസ്റ്റിന് (സിയുഇടി-യുജി) അപേക്ഷിക്കാനുള്ള അവസാന തീയതി മെയ് 6 ആയിരിക്കുമെന്ന് നാഷണൽ ടെസ്റ്റിങ് ഏജൻസിയായ CUET അറിയിച്ചു.ദോഹയിലും ഇത്തവണ പരീക്ഷ എഴുതാൻ കേന്ദ്രം അനുവദിച്ചിട്ടുണ്ട്.പരീക്ഷയെഴുതാൻ ആഗ്രഹിക്കുന്ന വിദ്യാർഥികൾ മെയ് 6 വെള്ളിയാഴ്ച വൈകീട്ട് 5 മണിക്ക് മുമ്പ് അപേക്ഷിക്കണം.
അപേക്ഷിക്കാനുള്ള ലിങ്ക്(ഇവിടെ ക്ലിക്ക് ചെയ്യാം)
പരീക്ഷയെക്കുറിച്ചും മറ്റ് കാര്യങ്ങളെക്കുറിച്ചുമുള്ള കൂടുതൽ വിവരങ്ങൾ വെബ്സൈറ്റിൽ നിന്ന് ലഭിക്കും.ഇത്തവണ പ്ലസ് ടു ബോർഡ് പരീക്ഷ എഴുതുന്ന വിദ്യാർത്ഥികൾക്കും CUET ടെസ്റ്റിന് അപേക്ഷിക്കാൻ അർഹതയുണ്ടായിരിക്കും.
ഈ വർഷം മുതൽ National Testing Agency (NTA) കീഴിൽ CUET-UG വഴിയായിരിക്കും ഇന്ത്യയിലെ വിവിധ സർവ്വകലാശാലകളിൽ ബിരുദ,ബിരുദാനന്തര ബിരുദ കോഴ്സുകളിലേക്ക് പ്രവേശന പരീക്ഷകൾ നടത്തുക.ഇന്ത്യയിലെ 44 കേന്ദ്ര സർവ്വകലാശാലകളിലെ നിരവധി ബിരുദ കോഴ്സുകളിലേക്കുള്ള പ്രവേശനം ഉറപ്പാക്കുന്നതിന് CUETപ്രവേശന പരീക്ഷ എഴുതേണ്ടത് നിർബന്ധമാണ്.ഇതിന് പുറമെ,എഞ്ചിനീയറിംഗ്, മെഡിക്കൽ കോളേജുകളിലേക്കുള്ള പ്രവേശനത്തിനായി നടത്തുന്ന ജെഇഇ( JEE), നീറ്റ്(NEET) പ്രവേശന പരീക്ഷകൾ നടത്താനുള്ള ചുമതലയും CUETക്കായിരിക്കും.
ജവഹർലാൽ നെഹ്റു യൂണിവേഴ്സിറ്റി, അലിഗഡ് മുസ്ലീം യൂണിവേഴ്സിറ്റി, ഹൈദരാബാദ് സെൻട്രൽ യൂണിവേഴ്സിറ്റി, ബനാറസ് ഹിന്ദു യൂണിവേഴ്സിറ്റി, ഡൽഹി യൂണിവേഴ്സിറ്റി എന്നിവയിൽ ഏതെങ്കിലുമൊരു കേന്ദ്രസർവകലാശാലയിൽ പ്രവേശനം ആഗ്രഹിക്കുന്ന വിദ്യാർഥികൾ CUET യുടെ പ്രവേശന പരീക്ഷയിൽ യോഗ്യത നേടിയിരിക്കണം.
ബിഎ, ബിഎസ്സി, ബികോം, ബിബിഎ, എൽഎൽബി, ബിടെക് ഇന്റഗ്രേറ്റഡ് പിജി, ബിപിഎ (ബാച്ചിലർ ഇൻ പെർഫോമിംഗ് ആർട്സ്) തുടങ്ങി വിദ്യാർത്ഥിയുടെ അഭിരുചിക്കനുസരിച്ച് വിവിധ കോഴ്സുകളിലേക്ക് അപേക്ഷിക്കാവുന്നതാണ്. കോഴ്സുകളിലേക്കും അവരുടെ അഭിരുചിക്കും താൽപ്പര്യത്തിനും അനുസൃതമായി അപേക്ഷിക്കാം.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക