January 19, 2022
January 19, 2022
ദോഹ : ഖത്തറിൽ ഈ വാരം അന്തരീക്ഷ താപനില കുറയുമെന്ന് കാലാവസ്ഥാ നിരീക്ഷണ കേന്ദ്രം. രാജ്യത്തിന്റെ വടക്കൻ പ്രദേശങ്ങളിലും ഉൾഭാഗങ്ങളിലും ആവും താപനില ഏറ്റവും കുറയുക. വടക്കുപടിഞ്ഞാറൻ ദിശയിൽ കാറ്റുവീശാനും, പലയിടങ്ങളിലും മഴ പെയ്യാനും സാധ്യത ഉണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ശക്തമായ കാറ്റും, ഇടവിട്ട മഴയും കാരണം ഖത്തറിലെ കാലാവസ്ഥ സ്ഥിരതയില്ലാതെ തുടരുകയാണെന്നും കാലാവസ്ഥാ നിരീക്ഷകൻ അബ്ദുൾ അസീസ് അൽ ഹമീദി അഭിപ്രായപ്പെട്ടു. ഖത്തർ ടീവിയിലെ പ്രോഗ്രാമിൽ സംസാരിക്കവെയാണ് ഹമീദി ശ്രദ്ധേയമായ നിരീക്ഷണങ്ങൾ നടത്തിയത്. കാറ്റിന്റെ ഫലമായി ദൃശ്യപരത കുറയുമെന്നും അദ്ദേഹം മുന്നറിയിപ്പ് നൽകി. തിരമാലകൾ നാലടി മുതൽ പതിനൊന്ന് അടിവരെ ഉയർന്നേക്കാമെന്നും ഹമീദി അറിയിച്ചു. കടൽത്തീരത്തുള്ളവർ ജാഗ്രത പാലിക്കണം.
