September 08, 2021
September 08, 2021
ദോഹ : രാജ്യത്ത് സമാധാനപൂർണ്ണമായി ജീവിക്കുന്ന ജനങ്ങൾക്കിടയിൽ വിദ്വേഷം പടർത്തി കലാപമുണ്ടാക്കാൻ ഒരു വിഭാഗം ആളുകൾ ശ്രമിക്കുന്നതായി ആഭ്യന്തരമന്ത്രാലയത്തിന്റെ മുന്നറിയിപ്പ്. ഇതിനായി സമൂഹമാധ്യമങ്ങളിലൂടെ അപകീർത്തിപ്പെടുത്തുന്ന തരത്തിലുള്ള സന്ദേശങ്ങൾ ഷെയർ ചെയ്യപ്പെടുന്നുണ്ടെന്നാണ് മന്ത്രാലയത്തിന്റെ കണ്ടെത്തൽ.
ഇത്തരക്കാർക്കെതിരെ കർശന നടപടി സ്വീകരിക്കുമെന്ന് ട്വിറ്ററിൽ പങ്കുവെച്ച പോസ്റ്റിലൂടെ ആഭ്യന്തരമന്ത്രാലയം വ്യക്തമാക്കി. "ഖത്തറി ജനതയുടെ ഐക്യത്തിലും പരസ്പരസ്നേഹത്തിലും അസൂയപൂണ്ട ചിലർ മനപ്പൂർവം പ്രശ്നങ്ങൾ സൃഷ്ടിക്കാനുള്ള ശ്രമത്തിലാണ്. സമൂഹമാധ്യമങ്ങളെ ഇതിന് ആയുധമാക്കുന്നു. ഇത്തരം പരിശ്രമങ്ങളെ ഏത് വിധേനയും തടയണം"- മന്ത്രാലയം കൂട്ടിച്ചേർത്തു. സമൂഹമാധ്യമങ്ങളിൽ വരുന്ന വാർത്തകളുടെ സുതാര്യത ഉറപ്പ് വരുത്തിയിട്ടേ വിശ്വസിക്കാവൂ എന്ന് പൗരന്മാർക്ക് മുന്നറിയിപ്പ് നൽകാനും മന്ത്രാലയം മറന്നില്ല.
