April 09, 2022
April 09, 2022
ദോഹ / കോട്ടയം: കേരളത്തിലെ പ്രസ്തമായ മഹാത്മാഗാന്ധി യൂണിവേഴ്സിറ്റി ഖത്തറിൽ പഠന കേന്ദ്രം തുടങ്ങുന്നു. പ്രവാസികളുടെയും ഖത്തര് ഭരണകൂടത്തിന്റെയും അഭ്യര്ഥന മാനിച്ച് യു.ജി.സിയുടെയും സംസ്ഥാന സര്ക്കാറിന്റെയും അനുമതിയോടെയാണ് എം.ജി സർവകലാശാല ഖത്തറില് കാമ്പസ് തുടങ്ങുന്നത്.വെള്ളിയാഴ്ച ചേര്ന്ന മഹാത്മാഗാന്ധി സര്വകലാശാല സിന്ഡിക്കേറ്റ് യോഗം ഇതിനുള്ള അംഗീകാരം നല്കി.
ഇതുസംബന്ധിച്ച നടപടികള് ഏകോപിപ്പിക്കാന് പ്രോ വൈസ് ചാന്സലര് പ്രഫ. സി.ടി. അരവിന്ദകുമാറിന്റെ നേതൃത്വത്തില് പ്രത്യേക സമിതി രൂപവത്കരിക്കും. എം.ജിയെ കൂടാതെ പുണെ സര്വകലാശാലയെ മാത്രമാണ് കാമ്പസ് തുടങ്ങാൻ ഖത്തര് ഭരണകൂടം പരിഗണിച്ചത്.
പരീക്ഷ സമ്പ്രദായം കൂടുതല് സുതാര്യമാക്കാനും വിശ്വാസ്യത വര്ധിപ്പിക്കാനും ലക്ഷ്യമിട്ട് പരീക്ഷ ഫലത്തിനൊപ്പം ഉത്തരസൂചിക സര്വകലാശാല വെബ്സൈറ്റില് പ്രസിദ്ധീകരിക്കാനും യോഗം തീരുമാനിച്ചു. ഉത്തരക്കടലാസിന്റെ ഇ-കോപ്പികള് വിദ്യാര്ഥികള്ക്ക് 250 രൂപ ഫീസ് ഈടാക്കി ലഭ്യമാക്കും.
ഗവേഷണ പ്രവര്ത്തനങ്ങളുടെ ഗുണനിലവാരം ഉയര്ത്താനും ഗവേഷകരെ പ്രോത്സാഹിപ്പിക്കാനുമായി സ്കോളര്ഷിപ്പുകളുടെ എണ്ണം ഈ വര്ഷം 150ല്നിന്ന് 200 ആക്കി വര്ധിപ്പിക്കും.
അസിസ്റ്റന്റ്, കമ്ബ്യൂട്ടര് അസിസ്റ്റന്റ് തസ്തികകളില് നിലവിലുള്ള എല്ലാ ഒഴിവുകളും നിയമന നടപടികള്ക്ക് പി.എസ്.സിക്ക് റിപ്പോര്ട്ട് ചെയ്യും. വൈസ് ചാന്സലര് പ്രഫ. സാബു തോമസ് അധ്യക്ഷത വഹിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക