August 15, 2022
August 15, 2022
ദോഹ : രാജ്യത്തെ തൊഴിൽ വിപണി നിയന്ത്രിക്കുന്നതുമായി ബന്ധപ്പെട്ട നിയമങ്ങളും മന്ത്രിതല തീരുമാനങ്ങളും കമ്പനികൾ പാലിക്കുന്നുണ്ടെന്ന് ഉറപ്പാക്കാൻ വ്യാപകമായ പരിശോധന കാമ്പയിനുകൾ നടത്തിവരികയാണെന്ന ഖത്തർ തൊഴിൽമന്ത്രാലയം അറിയിച്ചു.
വേതന സംരക്ഷണ നിയമംനടപ്പിലാക്കുന്നത് ഉറപ്പാക്കാൻ തൊഴിൽ മന്ത്രാലയം കഠിനമായി പരിശ്രമിക്കുകയാണെന്നും നിയമം ലംഘിക്കുന്ന സ്ഥാപനങ്ങൾക്കെതിരെ ആവശ്യമായ നിയമ നടപടികൾ സ്വീകരിക്കുന്നുണ്ടെന്നും മന്ത്രാലയം ട്വീറ്റ് ചെയ്തു.
ദോഹ സി-റിംഗ് റോഡിൽ തൊഴിലാളികൾ പ്രതിഷേധിക്കുന്ന ദൃശ്യങ്ങൾ പങ്കുവെച്ചുകൊണ്ട് നിയമങ്ങൾ ലംഘിക്കുന്ന കമ്പനികൾക്കെതിരെ നടപടി വേണമെന്ന് അറബിയിൽ അഭ്യർത്ഥിച്ചുകൊണ്ടുള്ള വീഡിയോ കഴിഞ്ഞദിവസം ഒരാൾ മന്ത്രാലയത്തിന് ട്വീറ്റ് ചെയ്തിരുന്നു. ഈ ട്വീറ്റിന് നന്ദി അറിയിച്ചുകൊണ്ടാണ് മന്ത്രാലയം ഇക്കാര്യം വ്യക്തമാക്കിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക