September 25, 2022
September 25, 2022
ന്യൂസ്‌റൂം ബ്യുറോ
ദോഹ : കോഴിക്കോട് വിമാനത്താവളത്തിൽ നിന്ന് കോഴിക്കോട് നഗരത്തിലേക്കും തിരിച്ചുമുള്ള ഷട്ടിൽ ബസ് സർവീസുകൾ എത്രയും വേഗം പുനരാരംഭിക്കണമെന്ന് ഗപാക് ആവശ്യപ്പെട്ടു. കൃത്യമായ ഇടവേളകളിൽ നടത്തിയിരുന്ന ഈ സർവ്വീസുകൾ യാത്രക്കാർക്ക് ഏറെ പ്രയോജനം ചെയ്തിരുന്നതായും ഭാരവാഹികൾ ചൂണ്ടിക്കാട്ടി. കോവിഡ് കാലത്ത് താൽകാലികമായി നിർത്തിയ സർവീസുകൾ വ്യോമയാന രംഗം പൂർവസ്ഥിതിയിൽ എത്തിയിട്ടും പുനരാരംഭിക്കാത്തത് കാരണം യാത്രക്കാർ പ്രയാസങ്ങൾ നേരിടുകയാണ്.
ദേശീയ പാതയിലൂടെ വരുന്ന യാത്രക്കാർക്ക് പ്രയോജനപ്പെടും വിധം കോഴിക്കോട് സർവ്വകലാശാല ബസ് സ്റ്റാൻഡ് വരെ പുതിയ ഷട്ടിൽ സർവ്വീസ് തുടങ്ങണം.കോവിഡിന് മുമ്പ് കാസർഗോഡ് നിന്ന് എയർപോർട്ട് വരെ ഉണ്ടായിരുന്ന കെ.എസ്. ആർ.ടി.സി സർവ്വീസും പുനരാരംഭിച്ചിട്ടില്ല. ഇതുമൂലവും യാത്രക്കാർ വിവിധ പ്രയാസങ്ങൾ നേരിടുന്നുണ്ട്.ഇക്കാര്യങ്ങളിൽ ഉടൻ നടപടി ആവശ്യപ്പെട്ട് കേന്ദ്ര വ്യാമയാന മന്ത്രി, കേരള സർക്കാർ, എയർപോർട്ട് ഡയരക്ടർ, മലപ്പുറം ജില്ലാ കലക്ടർ തുടങ്ങിയവർക്ക് ഗപാക് നിവേദനം നൽകി.
യോഗത്തിൽ പ്രസിഡന്റ് കെ.കെ. ഉസ്മാൻ, ജന.സെക്രട്ടറി ഫരീദ് തിക്കോടി, അർളയിൽ അഹമ്മദ് കുട്ടി, അൻവർ ബാബു വടകര, ശാഫി മൂഴിക്കൽ, സുബൈർ ചെറുമോത്ത്, അമീൻ കൊടിയത്തൂർ, മുസ്തഫ എലത്തൂർ, മശ്ഹൂദ് തിരുത്തിയാട്, എ.ആർ. ഗഫൂർ, കോയ കോടങ്ങാട് എന്നിവർ സംസാരിച്ചു. ഓർഗനൈസിംഗ് സെക്രട്ടറി അബ്ദുൽ റഊഫ് കൊണ്ടോട്ടി വിഷയം അവതരിപ്പിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
