November 17, 2021
November 17, 2021
ബുറൈദ : ബുറൈദ ഇന്റർനാഷണൽ ഇന്ത്യൻ സ്കൂളിലെ മലയാളം അധ്യാപികയായ ആലപ്പുഴ സ്വദേശി ജാസ്മിൻ അമീൻ (53) നിര്യാതയായി. സ്കൂളിൽ നിന്നും മടങ്ങിയെത്തി വീട്ടിൽ വിശ്രമിക്കുകയായിരുന്ന ജാസ്മിന് ദേഹാസ്വാസ്ഥ്യം അനുഭവപ്പെടുകയായിരുന്നു. തുടർന്ന് അടുത്തുള്ള ബുറൈദ സെൻട്രൽ ആശുപത്രിയിൽ പ്രവേശിപ്പിക്കപ്പെട്ട ടീച്ചർ, അവിടെ വെച്ചാണ് മരണമടഞ്ഞത്.
അൽ ഖസീമിലെ സാംസ്കാരിക വിദ്യാഭ്യാസ പ്രവർത്തനങ്ങളിൽ നിറസാന്നിധ്യമായിരുന്ന ജാസ്മിൻ കഴിഞ്ഞ 10 വർഷമായി ബുറൈദ ഇന്ത്യൻ സ്കൂളിൽ സേവനമനുഷ്ഠിച്ച് വരികയായിരുന്നു.ജാസ്മിന്റെ അകാലവിയോഗത്തിൽ മിഷൻ സൗദി ചാപ്റ്റർ കമ്മിറ്റി, അൽ ഖസീം മേഖല കമ്മിറ്റി, ഖസീം പ്രവാസി സംഘം തുടങ്ങിയ സംഘടനകൾ അനുശോചനം രേഖപ്പെടുത്തി. ഭൗതികശരീരം ബുറൈദയിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു.
ഭർത്താവ് : മുഹമ്മദ് അമീൻ
മകൾ : അലിയ അമീൻ