September 19, 2022
September 19, 2022
ന്യൂസ്‌റൂം ബ്യുറോ
ദോഹ : ഖത്തറിലെ ഖത്തറിലെ പൊതുഗതാഗത സംവിധാനത്തിന്റെ 25 ശതമാനം വാഹനങ്ങളും പരിസ്ഥിതി സൗഹൃദമാക്കി മാറ്റുകയെന്ന ലക്ഷ്യം കൈവരിക്കുന്നതിൽ വിജയിച്ചതായി അധികൃതർ അറിയിച്ചു.പബ്ലിക് ബസുകൾ, സർക്കാർ സ്കൂൾ ബസുകൾ, ദോഹ മെട്രോ ഫീഡർ ബസുകൾ എന്നിവ ക്രമേണ ഇലക്‌ട്രിക്കിലേക്ക് മാറും, 2030 ഓടെ ബസുകളിൽ നിന്നുള്ള ഹാനികരമായ കാർബൺ പുറന്തള്ളൽ കുറയ്ക്കുന്നതിൽ ഗണ്യമായ നേട്ടം കൈവരിക്കുമെന്ന് ഗതാഗത മന്ത്രി സെയ്‌ഫ് അഹ്‌മദ് അൽ സുലൈത്തി അവകാശപ്പെട്ടു.
കർവ സിറ്റി ടാക്‌സികൾക്കു പകരം ഹൈബ്രിഡ് ഇലക്ട്രിക് ഇക്കോ ടാക്‌സികൾ നിരത്തിലിറക്കുമെന്ന് ഇക്കഴിഞ്ഞ മെയിൽ മൊവാസലാത്ത് (കർവ)പ്രഖ്യാപിച്ചിരുന്നു.സ്വയം ചാർജ് ചെയ്യുന്ന ഹൈബ്രിഡ് ഇലക്ട്രിക് സംവിധാനമാണ് ഈ വാഹനങ്ങളിൽ ഉപയോഗിക്കുന്നത്.കാര്യക്ഷമമായ ലോ എമിഷൻ ഗ്യാസോലിൻ, ഇലക്ട്രിക് മോട്ടോർ എന്നിവയുടെ മിശ്രിതത്തിലാണ് ഇവ പ്രവർത്തിക്കുക.സ്റ്റാർട്ട് ചെയ്യുമ്പോഴും നിർത്തുമ്പോഴും വേഗത കുറയുമ്പോഴും വാഹനം പൂർണമായും വൈദ്യുതിയിൽ പ്രവർത്തിക്കുക.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
