May 24, 2021
May 24, 2021
കണ്ണൂര്: കണ്ണൂര് രാജ്യാന്തര വിമാനത്താവളത്തില് നിന്നും ദോഹയിലേക്ക് യാത്ര പോകാനെത്തിയ യാത്രക്കാരന്റെ പാസ്പോര്ട്ടിലെ പേജുകള് കീറി നശിപ്പിച്ച നിലയില് കണ്ടെത്തിയതിനെ തുടർന്ന് വടകര സ്വദേശിയെ വിമാനത്താവളം എമിഗ്രേഷന് വിഭാഗം നടപടിയെടുത്തു.. വടകര ഓര്ക്കാട്ടേരി പുറമേരി സ്വദേശി കിള്ളിയത്ത് ഹൗസില് സിദ്ദിഖിനെതിരിയാണ് നടപടി.
കഴിഞ്ഞ ദിവസം വൈകുന്നേരം 3.30 ഓടെയാണ് സംഭവം. ദോഹയിലേക്ക് യാത്ര പോകാന് എത്തിയതായിരുന്നു ഇയാള്. പാസ്പോര്ട്ട് പരിശോധനയില് 17, 18, 19, 20 എന്നീ പേജുകള് കീറിക്കളഞ്ഞ നിലയിലായിരുന്നു. എയര്പോര്ട്ട് സ്റ്റേഷന് പൊലീസ് കേസെടുത്ത് ഇയാളെഅറസ്റ്റു ചെയ്തു.
അതേസമയം പേജുകള് കീറി നശിപ്പിച്ച സാഹചര്യത്തില് 5000 രൂപ വീതം പൊലീസിലും കോടതിയിലും പിഴ അടച്ചശേഷം പുതിയ പാസ്പോര്ട്ടിന് അപേക്ഷ നല്കാവുന്ന കുറ്റമാണിത്. ജാമ്യം കിട്ടിയെങ്കിലും പാസ്പോര്ട്ടിലെ പേജുകള് കീറി നശിപ്പിച്ച യാത്രക്കാരന്റെ ദോഹയിലേക്കുള്ള യാത്ര മുടങ്ങിയിരിക്കുകയാണ്.
ന്യൂസ്റൂം വാട്സ്ആപ് ഗ്രൂപ്പിൽ പുതുതായി ചേരാൻ