November 16, 2022
November 16, 2022
അൻവർ പാലേരി
ദോഹ : ഖത്തർ എയർവെയ്‌സ് യാത്രക്കാർ നാട്ടിൽ നിന്ന് വരുമ്പോൾ ഭക്ഷ്യവിഭവങ്ങൾ കൊണ്ടുവരുന്നതിന് വിലക്കേർപ്പെടുത്തിയതായി കഴിഞ്ഞ ദിവസങ്ങളിൽ സമൂഹമാധ്യമങ്ങളിൽ പ്രചരിച്ച വാർത്തയിൽ പിശക്.യാത്രക്കാർ പാചകം ചെയ്തതോ അല്ലാത്തതോ ആയ ഭക്ഷ്യവിഭവങ്ങൾ യാത്രയിൽ കൂടെ കൊണ്ടുവരുന്നതിന് വിലക്കേർപ്പെടുത്തിയതായുള്ള വാർത്തയാണ് ഖത്തർ എയർവെയ്‌സിന്റെ അറിയിപ്പെന്ന തരത്തിൽ കഴിഞ്ഞ ദിവസം സ്‌ക്രീൻ ഷോട്ട് സഹിതം സമൂഹ മാധ്യമങ്ങളിൽ വ്യാപകമായി പ്രചരിച്ചത്.
അതേസമയം,പാചകം ചെയ്തതോ അല്ലാത്തതോ തണുപ്പിച്ചതോ ആയ എല്ലാ തരം മൽസ്യവിഭവങ്ങൾക്കും(സീ ഫുഡ്)യാത്രയിൽ കൂടെക്കൊണ്ടുവരുന്നതിന് വിലക്കുണ്ട്.സാധാരണയായി നാട്ടിൽ നിന്നും യാത്രക്കാർ കൊണ്ടുവരുന്ന മൽസ്യ-കടൽ വിഭവങ്ങൾ ഒഴികെയുള്ള ഭക്ഷ്യ വിഭവങ്ങൾക്ക് നിലവിലെ അറിയിപ്പ് പ്രകാരം വിലക്ക് ബാധകമാവില്ല.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക
