August 07, 2022
August 07, 2022
ദോഹ : അറബ് ലോകത്ത് ആദ്യമായി നടക്കുന്ന ഫിഫ ലോകകപ്പിന്റെ ഭാഗമാകാനുള്ള വോളണ്ടിയർ പ്രോഗ്രാമിലേക്കുള്ള അപേക്ഷകരുടെ അഭിമുഖം ഓഗസ്റ്റ് 13 ശനിയാഴ്ച സമാപിക്കും.രജിസ്ട്രേഷൻ ജൂലൈ 31-ന് അവസാനിച്ചതിനാൽ, എല്ലാ അപേക്ഷകരോടും ഓഗസ്റ്റ് 13-നകം അഭിമുഖത്തിനായുള്ള ദിവസം ബുക്ക് ചെയ്യാൻ സുപ്രീം കമ്മിറ്റി ഫോർ ഡെലിവറി ആൻഡ് ലെഗസി നിർദേശിച്ചു.
"ടൂർണമെന്റിന് 100 ദിവസം തികയുന്ന ആഗസ്റ്റ് 13-ന് അഭിമുഖങ്ങൾ അവസാനിക്കും.ഇതിനകം റോൾ ഓഫറുകൾ അയച്ചു തുടങ്ങിയിട്ടുണ്ട്.അതിനിയും തുടരും.നിങ്ങളുടെ അപേക്ഷയെക്കുറിച്ചുള്ള അപ്ഡേറ്റുകൾക്കായി നിങ്ങളുടെ ഇമെയിലും പോർട്ടലും പരിശോധിക്കണം.."ഔദ്യോഗിക വെബ്സൈറ്റിൽ നൽകിയ അറിയിപ്പിൽ സുപ്രീം കമ്മറ്റി അഭ്യർത്ഥിച്ചു.
വോളണ്ടിയർ പ്രോഗ്രാമിനായി ഇതുവരെ അര ദശലക്ഷത്തിലധികം അപേക്ഷകളാണ് ലഭിച്ചതെന്നും അധികൃതർ വ്യക്തമാക്കി.നവംബറിൽ നടക്കുന്ന ഫിഫ ലോകകപ്പിൽ ലോകമെമ്പാടുമുള്ള 20,000 സന്നദ്ധപ്രവർത്തകർ 30 ലധികം വ്യത്യസ്ത റോളുകളിലായി 45 പ്രവർത്തന മേഖലകളിലാണ് പ്രവർത്തിക്കുക.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597