June 15, 2021
June 15, 2021
ദോഹ: ഇന്ത്യന്‍ വിദേശകാര്യ മന്ത്രി ഡോ.എസ്.ജയശങ്കറും ഖത്തര്‍ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുറഹിമാന്‍ അല്‍താനിയും തമ്മില്‍ കൂടിക്കാഴ്ച നടത്തി. ഡോ.ജയശങ്കര്‍ തന്റെ ട്വിറ്ററിലാണ് ഇക്കാര്യം അറിയിച്ചത്. ദോഹയില്‍ നടന്ന കൂടിക്കാഴ്ചയില്‍ കൊവിഡ് രണ്ടാം വരവിനെ പ്രതിരോധിക്കുന്നതില്‍ ഖത്തര്‍ തങ്ങളോട് കാണിച്ച ഐക്യദാര്‍ഢ്യത്തെ അദ്ദേഹം അഭിനന്ദിച്ചു. ഇരു രാജ്യങ്ങളും തമ്മിലുള്ള നയതന്ത്രബന്ധങ്ങളും മറ്റു വിഷയങ്ങളും ഇരുവരും ചർച്ച ചെയ്തു.
കോവിഡ് മഹാമാരിയിൽ ഇന്ത്യക്ക് സഹായമെത്തിച്ച ഖത്തറിനും കുവൈത്തിനും നന്ദി അറിയിക്കാൻ ഇന്ത്യൻ വിദേശകാര്യ മന്ത്രി ഇരു രാജ്യങ്ങളും സന്ദർശിച്ചിരുന്നു.
