September 04, 2021
September 04, 2021
ദോഹ : ഖത്തറിലേക്ക് വിരുന്നെത്തുന്ന സഞ്ചാരികളുടെ എണ്ണത്തിൽ വൻ വർധന ഉണ്ടായതായി കണക്കുകൾ. പ്ലാനിങ് ആൻഡ് സ്റ്റാറ്റിറ്റിക്‌സ് അതോറിറ്റിയാണ് ഈ കണക്കുകൾ പുറത്തുവിട്ടത്. മറ്റ് ജിസിസി, അറബ് രാജ്യങ്ങളിൽ നിന്നെത്തുന്ന സന്ദർശകരുടെ എണ്ണവും, യൂറോപ്യൻ പൗരന്മാരുടെ എണ്ണവും വർധിച്ചിട്ടുണ്ട്.
തൊഴിൽ വിസ ഒഴികെയുള്ള മറ്റ് പതിനഞ്ച് തരം വിസകളുമായി രാജ്യം സന്ദർശിച്ചവരുടെ കണക്കാണ് അതോറിറ്റി പുറത്തുവിട്ടത്. കോവിഡിന്റെ വ്യാപനം അല്പം കുറഞ്ഞതാണ് കഴിഞ്ഞ വർഷത്തെ അപേക്ഷിച്ച് ഇത്തരത്തിൽ സന്ദർശകരുടെ കുത്തൊഴുക്കിന് കാരണമായി ചൂണ്ടിക്കാണിക്കപ്പെടുന്നത്. ഇതിന്റെ പ്രതിഫലനമെന്നോണം ഹോട്ടൽ മേഖല കഴിഞ്ഞ മാസം മികച്ച പെർഫോമൻസ് പുറത്തെടുത്തതായും അതോറിറ്റി ചൂണ്ടിക്കാട്ടി. രാജ്യം സന്ദർശിച്ചവരിൽ 75 ശതമാനം പേരും വിമാനമാർഗം എത്തിയപ്പോൾ 22% പേർ റോഡ് മാർഗം അതിർത്തി കടന്നു. 3% ആളുകൾ കടലിലൂടെയാണ് ഖത്തറിൽ എത്തിച്ചേർന്നത്.
