July 01, 2021
July 01, 2021
ദോഹ: ഖത്തറില് 60 വയസുകഴിഞ്ഞ 92ശതമാനം പേരും കൊവിഡ് വാക്സിന് സ്വീകരിച്ചു. പൊതുജനാരോഗ്യ മന്ത്രാലയമാണ് ഇക്കാര്യം അറിയിച്ചത്. മുതിര്ന്ന പൗരന്മാര്ക്ക് രോഗ സാധ്യത കൂടിയതിനാല് ഇവര്ക്കുള്ള വാക്സിനേഷനുകള് ആദ്യഘട്ടത്തില് തന്നെ സമ്പൂര്ണമാക്കാനുള്ള ശ്രമത്തിലാണ് അധികൃതര്. അതിനിടെ കോവിഡ് ബാധിച്ച് ഖത്തറില് ബുധനാഴ്ച രണ്ടുമരണമുണ്ടായി. 52ഉം 82ഉം വയസ്സുള്ളവരാണ് കഴിഞ്ഞ ദിവസം മരിച്ചത്. ഇതോടെ രാജ്യത്തെ കോവിഡ് മരണസംഖ്യ 590ലെത്തി. പുതുതായി 118 പേര്ക്കുകൂടി കോവിഡ് സ്ഥിരീകരിച്ചു.