June 13, 2022
June 13, 2022
ദോഹ: തുടർവർഷങ്ങളിൽ ഗൾഫ് മേഖലയിൽ ഏറ്റവും കൂടുതൽ സാമ്പത്തിക വളർച്ച രേഖപ്പെടുത്തുന്ന രാജ്യം ഖത്തറായിരിക്കുമെന്ന് ലോ ബാങ്ക്(ഐ.എം.എഫ്)..
2023, 2024 സാമ്പത്തിക വർഷങ്ങളിലാണ് ഖത്തർ സാമ്പത്തിക രംഗം അഭൂതപൂർവമായ വളർച്ച കൈവരിക്കുക.ഖത്തറിന്റെ മൊത്ത ആഭ്യന്തര ഉത്പാദനം (ജി.ഡി.പി) ഈ വർഷം 4.9 ശതമാനം വളർച്ച രേഖപ്പെടുത്തുമെന്നും 2023 ൽ വളർച്ച 4.5 ശതമാനവും 2024 ൽ 4.4 ശതമാനവും ആയിരിക്കുമെന്നും ലോക ബാങ്ക് ഏറ്റവും പുതിയ റിപ്പോർട്ടിൽ പറയുന്നു.മറ്റ് ഗൾഫ് രാജ്യങ്ങളെ അപേക്ഷിച്ച് ഉയർന്ന സാമ്പത്തിക വളർച്ചാനിരക്കായിരിക്കും ഇതെന്നും ലോകബാങ്ക് ചൂണ്ടിക്കാട്ടി.
എണ്ണ വിലയിലുണ്ടായ അഭൂതപൂർവമായ വർദ്ധനവ് കാരണം കഴിഞ്ഞ ഒരു ദശകത്തിലെ ഏറ്റവും വലിയ സാമ്പത്തിക വളർച്ചയാണ് ഗൾഫ് മേഖല രേഖപ്പെടുത്തുന്നത്.
ലോക കപ്പിന് വേദിയാകുന്നതും യുക്രൈൻ യുദ്ധം മൂലം എൽ.എൻ. ജി ഡിമാൻഡും വിലയും വർധിച്ചതും ഖത്തർ സമ്പദ് വ്യവസ്ഥക്ക് ഗുണകരമായി.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക