May 04, 2021
May 04, 2021
ഹൈദരാബാദ്: അഞ്ചു വര്‍ഷം മുമ്പ് ഖത്തറിലേക്ക് ജോലി തേടി പോയ ഭര്‍ത്താവിനെ കാണാനില്ലെന്ന പരാതിയുമായി ഹൈദരാബാദ് സ്വദേശിനി. ഭര്‍ത്താവിനെ കണ്ടെത്തണമെന്നാവശ്യപ്പെട്ട് ഹൈദരാബാദ് ഹഷാമാബാദ് സ്വദേശിനിയായ ഹലീമ എന്ന യുവതിയാണ് സംസ്ഥാന-കേന്ദ്ര സര്‍ക്കാരുകള്‍ക്ക് പരാതി നല്‍കിയത്..
2008ലാണ് ഹലീമയും കാണാതായ മുഹമ്മദ് നവീദ് അഹമ്മദും വിവാഹിതരായത്. 2014ലാണ് നവീദ് ജോലി അന്വേഷിച്ച് ഖത്തറിലേക്ക് എത്തിയത്. 2016 വരെ ടെലിഫോണില്‍ ആശയ വിനിമയം നടന്നിരുന്നു. എന്നാല്‍, പിന്നീട് യാതൊരു ബന്ധവുമില്ലെന്ന് യുവതി പരാതിയിൽ ചൂണ്ടിക്കാട്ടി.. നവീദ് ഖത്തറില്‍ ഡ്രൈവര്‍ ജോലിയാണ് ചെയ്തു കൊണ്ടിരുന്നത്. ഭര്‍ത്താവിനെ കണ്ടു പിടിക്കാന്‍ സര്‍ക്കാര്‍ ഉടന്‍ ഇടപെടണമെന്ന് ഹലീമയും അവരുടെ രണ്ടു കുഞ്ഞുങ്ങളും ആവശ്യപെട്ടു.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
