February 03, 2022
February 03, 2022
ദോഹ : ഹമദ് മെഡിക്കൽ കോർപറേഷനിലെ ബ്ലഡ് ബാങ്കിൽ ഓ പോസിറ്റീവ് ഗണത്തിൽ പെട്ട രക്തത്തിന് ദൗർലഭ്യമുണ്ടെന്ന് അധികൃതർ അറിയിച്ചു. രക്തം ദാനം ചെയ്യാൻ സന്നദ്ധരായവർ എത്രയും പെട്ടെന്ന് ഹമദ് ജനറൽ ഹോസ്പിറ്റലിന് സമീപം സ്ഥിതിചെയ്യുന്ന ബ്ലഡ് ബാങ്കിൽ ഹാജരാവണം.
ഞായർ മുതൽ വ്യാഴം വരെ രാവിലെ ഏഴ് മണി മുതൽ രാത്രി ഒൻപതര വരെയും, ശനിയാഴ്ച രാവിലെ എട്ട് മുതൽ ഉച്ചയ്ക്ക് രണ്ട് മണിവരെയും ബാങ്ക് പ്രവർത്തിക്കും. വെള്ളിയാഴ്ച അവധിയാണ്. മാർഗനിർദേശങ്ങൾ കൃത്യമായി പാലിച്ചുകൊണ്ട്, തീർത്തും അണുവിമുക്തമായ അന്തരീക്ഷത്തിലാണ് രക്തം ശേഖരിക്കുന്നതെന്നും, കഴിയുന്നത്ര പേർ മുന്നോട്ട് വരണമെന്നും ഹമദ് അധികൃതർ അഭ്യർത്ഥിച്ചു.
