January 21, 2022
January 21, 2022
ദോഹ : കോവിഡ് കൂടുതൽ ശക്തിയാർജ്ജിക്കുന്ന സാഹചര്യത്തിൽ ജനങ്ങൾക്ക് ബോധവത്കരണം നൽകാനുള്ള നീക്കങ്ങളുമായി ഹമദ് മെഡിക്കൽ കോർപറേഷൻ രംഗത്ത്. ആദ്യ രണ്ട് തരംഗങ്ങളിലും എന്ന പോലെ, മൂന്നാം തരംഗത്തിലും ജനങ്ങളുടെ പിന്തുണ അനിവാര്യമാണെന്ന് ഹമദ് മെഡിക്കൽ കോർപറേഷൻ മേധാവി ഡോക്ടർ മോന അൽ മസ്ലമാനി അഭിപ്രായപ്പെട്ടു.
"പ്രായമായ ആളുകളെയും, മറ്റ് അസുഖങ്ങൾ ഉള്ളവരെയും സംരക്ഷിക്കുക എന്നത് നമ്മളുടെ ഉത്തരവാദിത്തമാണ്. ഈ രോഗത്തിന്റെ വാഹകരായി പ്രവർത്തിക്കുന്നത് ജനങ്ങൾ തന്നെയാണെന്ന് നമുക്കറിയാം. പ്രായമായവരിലേക്ക് രോഗമെത്താതെ തടയേണ്ടതുണ്ട്'- ബോധവത്കരണ സന്ദേശത്തിൽ ഡോക്ടർ അഭിപ്രായപ്പെട്ടു. പ്രതിരോധ മാർഗങ്ങൾ പാലിക്കപ്പെടുന്നുണ്ട് എന്നുറപ്പുവരുത്താൻ അഭ്യർത്ഥിച്ച ഡോക്ടർ, ഹമദ് കോർപറേഷൻ ജനങളുടെ കൂടെയുണ്ടെന്നും അറിയിച്ചു. മൂന്നാം തരംഗത്തിൽ രോഗത്തിന്റെ ലക്ഷണങ്ങൾ ഗുരുതരമല്ലെന്നും, ഭയപ്പെടേണ്ട സാഹചര്യമില്ലെന്നും മസ്ലമാനി കൂട്ടിച്ചേർത്തു.
