September 04, 2022
September 04, 2022
ദോഹ: ട്രാൻസിറ്റ് യാത്രക്കാർക്കായി ഹമദ് ഇന്റർ നാഷണൽ എയർപോർട്ടിൽ രണ്ടാമത്തെ ഹോട്ടൽ തുറന്നു.നൂറ് മുറികളോട് കൂടിയ ഒറിക്‌സ് ഗാർഡൻ ഹോട്ടൽ ടെർമിനലിനുള്ളിലെ നോർത്ത്പ്ലാസയിലാണ് പ്രവർത്തനമാരംഭിച്ചത്. ബോർഡിങ് ഗേറ്റുകൾക്ക് സമീപത്താണ് റൂമുകൾ സജ്ജീകരിച്ചിട്ടുള്ളത്.
എയർപോർട്ടിന്റെ വികസനത്തിന്റെ ഭാഗമായി തയ്യാറാക്കിയ ഒറിക്‌സ് ഗാർഡൻ ഹോട്ടൽ ദോഹയിലൂടെ യാത്ര ചെയ്യുന്ന ട്രാൻസിറ്റ് യാത്രക്കാർക്ക് ഒരു വ്യത്യസ്ത അനുഭവമായിരിക്കുമെന്നും വിമാനത്തിനായി കാത്തിരിക്കുന്ന യാത്രക്കാർക്ക് എല്ലാവിധ സൗകര്യങ്ങളോടും കൂടി ഇവിടെ വിശ്രമിക്കാനാവുമെന്നും എയർപോർട്ട് ചീഫ് ഓപ്പറേറ്റിംഗ് ഓഫീസർ എഞ്ചിനീയർ ബദർ മുഹമ്മദ് അൽ മീർ പറഞ്ഞു.
യാത്രയ്ക്ക് 24 മണിക്കൂർ മുമ്പ് വരെ ഹോട്ടലിൽ മുറികൾ ബുക് ചെയ്യാവുന്നതാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക
