December 15, 2021
December 15, 2021
ദോഹ : രാജ്യത്തിന്റെ ദേശീയദിനം വിപുലമായി ആഘോഷിക്കുന്നതിനുള്ള ഒരുക്കങ്ങളിലാണ് ഖത്തർ. ഇതിന്റെ ഭാഗമായി, വാഹന ഉടമകൾക്കുള്ള മാർഗനിർദ്ദേശങ്ങൾ പുറപ്പെടുവിച്ചു. ആഭ്യന്തര മന്ത്രാലയമാണ് ഡിസംബർ 15 മുതൽ 21 വരെ, ഒരു ആഴ്ച്ച നീണ്ടുനിൽക്കുന്ന പരിപാടിയുടെ ഭാഗമാവുന്ന വാഹനങ്ങൾക്കുള്ള നിർദേശങ്ങൾ പങ്കുവെച്ചത്.
വാഹനങ്ങളുടെ ചില്ലുകളിൽ ഒരുതരത്തിലുള്ള നിറങ്ങളും പെയിന്റ് ചെയ്യാൻ പാടില്ലെന്ന് മന്ത്രാലയം വ്യക്തമാക്കി. ദേശീയദിനത്തോട് അനുബന്ധിച്ച് വാഹനത്തിന്റെ കളർ മാറ്റാനും പാടില്ല. വാഹനങ്ങൾ അലങ്കരിക്കുമ്പോൾ ഇരുനമ്പർ പ്ലേറ്റുകളും കൃത്യമായി കാണാൻ കഴിയുന്നുണ്ട് എന്നും ഉറപ്പുവരുത്തണം. വാഹനങ്ങളുടെ ജനലുകളിലൂടെ കയ്യും തലയും പുറത്തിടരുത് എന്നും അധികൃതർ ഓർമപ്പെടുത്തി. സൈനികവാഹനങ്ങൾ അണിനിരക്കില്ലെന്ന് പ്രഖ്യാപിച്ച പരേഡിൽ കാലാൾ പടയാണ് ഇത്തവണത്തെ മുഖ്യ ആകർഷണം.
