February 02, 2022
February 02, 2022
ദോഹ : മിഡിൽ ഈസ്റ്റ് - ആഫ്രിക്കൻ മേഖലയിലെ ശക്തരായ വനിതാ വ്യവസായികളുടെ പട്ടിക പുറത്തിറക്കി. അന്താരാഷ്ട്ര തലത്തിലെ ശ്രദ്ധേയ ജേർണലുകളിൽ ഒന്നായ ഫോബ്‌സ് ആണ് 50 പേരടങ്ങുന്ന പട്ടിക തയ്യാറാക്കിയത്. ഖത്തറിൽ നിന്നുള്ള രണ്ട് വനിതാ സംരംഭകർ പട്ടികയിൽ സ്ഥാനം പിടിച്ചു.
അംവാൽ ഗ്രൂപ്പ്, അൽ വാബ്‌ സിറ്റി റിയൽ എസ്റ്റേറ്റ് എന്നിവയുടെ സ്ഥാപകയും ചെയർപേഴ്സണുമായ ഷെയ്ഖ ഹനാദി ബിൻത് നാസർ അൽ താനി, ഖത്തർ ഫിനാൻസ് സെന്ററിന്റെ സി.ഇ.ഒ ആയ ഷെയ്ഖ അലനൗദ് ബിൻത് ഹമദ് അൽതാനി എന്നിവരാണ് പട്ടികയിൽ ഇടംപിടിച്ചത്. ഷെയ്ഖ ഹനാദി ലിസ്റ്റിൽ ഒൻപതാം സ്ഥാനം സ്വന്തമാക്കിയപ്പോൾ, നാല്പത്തിയേഴാണ് അലനൗദിന്റെ സ്ഥാനം. 19 രാജ്യങ്ങളിൽ നിന്നുള്ള വനിതകളാണ് ആദ്യ അൻപതിൽ ഉൾപ്പെട്ടത്. 16 പേരുള്ള ബാങ്കിംഗ്, ഫിനാൻഷ്യൽ മേഖലയിൽ നിന്നാണ് ഏറ്റവുമധികം പേർ ലിസ്റ്റിൽ ഇടം പിടിച്ചത്. യു.എ.ഇ യിൽ നിന്നുള്ള എട്ടുപേരും, സൗദിയിൽ നിന്നുള്ള രണ്ടുപേരും ലിസ്റ്റിലുണ്ട്.
