May 30, 2022
May 30, 2022
ദോഹ: ഖത്തറിലെ പ്രമുഖ അറബ് ദിനപത്രമായ അൽ ശർഖിൽ വന്ന ഒരു പരസ്യം സമൂഹ മാധ്യമങ്ങളിൽ വൈറലാവുന്നു.അപൂർവ ഇനത്തിൽ പെടുന്ന തങ്ങളുടെ പൂച്ചയെ കാണാതായെന്നും കണ്ടെത്താൻ സഹായിക്കുന്നവർക്ക് 35,000(ശരാശരി 7 ലക്ഷം രൂപ ) റിയാൽ വരെ പാരിതോഷികം നൽകുമെന്നും അറിയിച്ചു കൊണ്ട് ഒരു കുടുംബം നൽകിയ പരസ്യമാണ് പലരുടെയും ഉറക്കം കെടുത്തുന്നത്.വഴിയരികിൽ നിന്ന് അറിയാതെയെങ്കിലും ഈ ചാര സുന്ദരി മുന്നിൽ വന്നുപെട്ടാൽ ലഭിക്കാൻ പോകുന്ന തുകയെ കുറിച്ചാണ് പലരും സമൂഹമാധ്യമങ്ങളിൽ ചർച്ച ചെയ്യുന്നത്.
ദോഹയിലെ ഇസ്ഗവ ഏരിയയിലാണ് ഒൻപത് മാസം പ്രായമുള്ള ചാര നിറത്തിലുള്ള പെൺ പൂച്ചയെ കാണാതായതെന്ന് പരസ്യത്തിൽ വ്യക്തമാക്കുന്നുണ്ട്.
പരസ്യം പുറത്തുവന്ന ഉടൻ വാർത്ത വൈറൽ ആവുകയും പലരും പൂച്ചക്ക് വേണ്ടിയുള്ള തിരച്ചിൽ തുടങ്ങിയതായും പ്രതിഫലതുക കണക്കിലെടുത്ത് ചിലർ തിരച്ചിൽ സമീപപ്രദേശങ്ങളിലേക്ക് വ്യാപിപ്പിച്ചതായും ഖത്തർ ഡേ റിപ്പോർട്ട് ചെയ്തു.
അതേസമയം,ഇത്രയും വലിയ തുക ഉടമസ്ഥൻ നൽകുമോ എന്നും പലരും സംശയം പ്രകടിപ്പിച്ചു.ഭാഗ്യവാനായ ആരെങ്കിലും ചാരസുന്ദരിയെ കണ്ടെത്തി ഉടമയ്ക്ക് തിരികെ നൽകിയാൽ ഖത്തറിലെ ഏറ്റവും വില കൂടിയ പൂച്ചയായിരിക്കും അതെന്നും ഖത്തർ ഡേയുടെ റിപ്പോർട്ടിൽ പറയുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക