August 07, 2022
August 07, 2022
ദോഹ : ഖത്തർ ലോകകപ്പിന് ഇനി 100 ദിവസം.കൗണ്ട്‌ഡൗൺ ആഘോഷങ്ങളുടെ ഭാഗമായി സംഘാടക സമിതി ഫുട്‍ബോൾ ആരാധകർക്കായി വിവിധ വിനോദ-കായിക മത്സരങ്ങളിൽ പങ്കെടുത്ത് ലോകകപ്പ് മത്സരത്തിനുള്ള ടിക്കറ്റ് നേടാൻ അവസരം ഒരുക്കുന്നു.
വിവിധ മാളുകളിലായി നടക്കുന്ന പരിപാടികളിൽ ആരാധകർക്ക് കുടുംബാംഗങ്ങളും സുഹൃത്തുക്കളുമായെത്തി വിവിധ മത്സരങ്ങളിൽ പങ്കെടുക്കാം. ഫുട്ബോളിലെ മികവ് പരീക്ഷിക്കാണ് കഴിയുന്ന തരത്തിലുള്ള രസകരമായ ഗെയിമുകളും ഷോകളും പ്രകടനങ്ങളുമാണ് നടക്കുക..വിജയികൾക്ക് അൽ ബൈത്ത് സ്റ്റേഡിയത്തിൽ നടക്കുന്ന കാറ്റഗറി ഒന്ന് ലോകകപ്പ് ഓപ്പണിങ് മത്സരത്തിനുള്ള ടിക്കറ്റാണ് സമ്മാനമായി ലഭിക്കുക.
ഓഗസ്റ്റ് 11 മുതൽ 13 വരെ ഉച്ചക്ക് ഒരു മണി മുതൽ രാത്രി 10 വരെ ദോഹ ഫെസ്റ്റിവൽ സിറ്റിയിലും ഉച്ചക്ക് 12 മുതൽ രാത്രി 10 വരെ പ്ലെസ് വൈൻഡാമിലും മാൾ ഓഫ് ഖത്തറിലുമാണ് മത്സരങ്ങൾ നടക്കുക.
കൌണ്ട്ഡൌൺ നൂറ് ദിന ആഘോഷങ്ങളുടെ ഗ്രാൻഡ് ഫിനാലെ ഓഗസ്റ്റ് 13 ന് മാൾ ഓഫ് ഖത്തറിൽ നടക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597
