February 19, 2022
February 19, 2022
ദോഹ : ഖത്തർ എയർവേയ്സിന്റെ വിമാനങ്ങളിലെ യാത്രക്കാർക്ക് ഫേസ് ഷീൽഡ് നിർബന്ധമില്ലെന്ന് അധികൃതർ വ്യക്തമാക്കി. കോവിഡ് പ്രതിസന്ധി രൂക്ഷമായ സമയത്ത് താൽകാലികമായി ഏർപ്പെടുത്തിയ സംവിധാനമാണ് ഫേസ് ഷീൽഡ് എന്നും അധികൃതർ വിശദീകരിച്ചു.
അതേസമയം, വിമാനത്തിൽ യാത്ര ചെയ്യുന്നവർ ഫേസ് മാസ്ക് നിർബന്ധമായും ധരിക്കണമെന്നും ഖത്തർ എയർവേയ്സ് ഓർമിപ്പിച്ചു. യാത്രക്കാരുടെയും വിമാനജീവനക്കാരുടെയും സുരക്ഷ മുൻനിർത്തിയാണ് മാസ്ക് നിർബന്ധമാക്കിയത്. ടൂറിസം മേഖലയ്ക്ക് പുതുജീവനേകുന്നതിന്റെ ഭാഗമായ പല യൂറോപ്യൻ രാജ്യങ്ങളും വിമാനയാത്രയിലെ നിബന്ധനകൾ തീർത്തും ഒഴിവാക്കുന്നതായി പ്രഖ്യാപിച്ച സാഹചര്യത്തിലാണ് ഖത്തർ എയർവേയ്സ് സുരക്ഷ സംബന്ധിച്ച നിലപാട് വ്യക്തമാക്കിയത്.