April 23, 2022
April 23, 2022
ദോഹ : 2022-23 അധ്യയന വർഷത്തേക്ക് ഖത്തറിലെ സർക്കാർ സ്‌കൂളുകളിൽ പ്രവാസി വിദ്യാർത്ഥികൾക്കും പ്രവേശനം അനുവദിക്കുമെന്ന് വിദ്യാഭ്യാസ-ഉന്നത വിദ്യാഭ്യാസ മന്ത്രാലയത്തിലെ ഉന്നത ഉദ്യോഗസ്ഥനെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു.അൽ ഷമാൽ സിറ്റി, ദുഖാൻ സിറ്റി, അൽ കരാന, അൽ ഗുവൈരിയ, അൽ സുബാറ, അൽ ഖരസ, അൽ കഅബാൻ, അൽ ജാമിലിയ, റൗദത്ത് റാഷിദ് എന്നീ വിദൂര പ്രദേശങ്ങളിലെ ഒൻപത് സർക്കാർ സ്‌കൂളുകളിലാണ് സ്വകാര്യമേഖലയിൽ ജോലി ചെയ്യുന്ന പ്രവാസി രക്ഷിതാക്കളുടെ കുട്ടികൾക്ക് പ്രവേശനം അനുവദിക്കുകയെന്ന് വിദ്യാഭ്യാസ ഉന്നത വിദ്യാഭ്യാസ മന്ത്രാലയത്തിലെ വിദ്യാഭ്യാസ ഉപദേഷ്ടാവ് റാഷിദ് സാദ് അൽ മുഹന്നദി വ്യക്തമാക്കി.ഖത്തർ റേഡിയോയുമായി സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്.
'ഈ സ്‌കൂളുകളിൽ പ്രവാസികളായ ആൺകുട്ടികൾക്കും വിദ്യാർത്ഥികൾക്കും ഒരു പോലെ പ്രവേശനം അനുവദിക്കും..എന്നാൽ,റൗദത്ത് റാഷിദ് സർക്കാർ സ്‌കൂളിൽ ആൺകുട്ടികൾക്ക് മതിയായ സീറ്റുകൾ ലഭ്യമല്ലാത്തതിനാൽ പെൺകുട്ടികൾക്ക് മാത്രമായിരിക്കും പ്രവേശനം നൽകുക.റൗദത്ത് റാഷിദിൽ പുതുതായി തുടങ്ങിയ പെൺകുട്ടികളുടെ സ്‌കൂളിൽ ആവശ്യമായ സീറ്റുകൾ ലഭ്യമാണ്.'-അദ്ദേഹം കൂട്ടിച്ചേർത്തു.
ദോഹയിൽ നിന്നും വളരെ അകലെയുള്ള ഈ പ്രദേശങ്ങളിൽ സ്വകാര്യ സ്‌കൂളുകൾ ഇല്ലാത്തതിനാലാണ് പുതിയ തീരുമാനമെന്നും അദ്ദേഹം പറഞ്ഞു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
