January 25, 2022
January 25, 2022
ദോഹ : ഗാർഹിക തൊഴിലാളികളുടെ പ്രൊബേഷൻ കാലയളവ് ഒൻപത് മാസമാക്കി ഉയർത്തിയതിന് പിന്നാലെ, റിക്രൂട്ട്മെന്റ് ചാർജിലും മാറ്റങ്ങൾ പ്രഖ്യാപിച്ചു. ഖത്തർ തൊഴിൽ മന്ത്രാലയവും, വാണിജ്യ-വ്യവസായ മന്ത്രാലയവും സംയുക്തമായാണ് റിക്രൂട്ട്മെന്റിനായി നൽകാവുന്ന പരമാവധി പരിധി പ്രഖ്യാപിച്ചത്.
ഇന്തോനേഷ്യയിൽ നിന്നുള്ള തൊഴിലാളികൾക്കാണ് ഏറ്റവുമുയർന്ന റിക്രൂട്ട്മെന്റ് ചാർജ്. 17000 റിയാൽ വരെ റിക്രൂട്ട്മെന്റ് ചാർജ് ആയി ഈടാക്കാം. 9000 റിയാൽ വരെ വാങ്ങാവുന്ന കെനിയ, എത്യോപ്യ രാജ്യങ്ങളാണ് ഏറ്റവും പിന്നിൽ. ഇന്ത്യയിൽ നിന്നും വാങ്ങാവുന്ന പരമാവധി തുക 14000 റിയാലാണ്. ശ്രീലങ്ക 16000, ഫിലിപ്പീൻസ് 15000, ബംഗ്ലാദേശ് 14000 എന്നിങ്ങനെയാണ് മറ്റ് രാജ്യങ്ങളിലെ കണക്കുകൾ. ഔദ്യോഗിക ഗസറ്റിൽ സർക്കുലർ പ്രത്യക്ഷപ്പെടുന്നതിന്റെ അടുത്ത ദിവസം മുതൽ ഈ പരിധി പ്രാബല്യത്തിൽ വരും.
