September 13, 2022
September 13, 2022
അൻവർ പാലേരി
ദോഹ : ദോഹയിൽ നിന്നും കൊച്ചിയിലേക്കുള്ള എയർഇന്ത്യ എക്സ്പ്രസ് വിമാനം അനിശ്ചിതമായി വൈകുന്നു.ഇന്ന് വൈകുന്നേരം ഖത്തർ സമയം കൊച്ചിയിലേക്ക് പോകേണ്ട IX-478 എയർഇന്ത്യ എക്സ്പ്രസ് വിമാനമാണ് മണിക്കൂറുകൾ കഴിഞ്ഞിട്ടും പുറപ്പെടാത്തത്.കൊച്ചിയിൽ നിന്ന് ഇന്ത്യൻ സമയം ഉച്ചക്ക് 1.30ന് പുറപ്പെടേണ്ട വിമാനം ഇതുവരെ ദോഹയിലേക്ക് തിരിച്ചിട്ടില്ലെന്നാണ് ലഭ്യമായ വിവരം.
വിമാനം വൈകുമെന്ന് അറിയിച്ചുകൊണ്ട് ഇന്നുച്ചയ്ക്ക് 12.30 സന്ദേശം ലഭിച്ചതായി യാത്രക്കാർ അറിയിച്ചു.പലതവണ സമയം മാറ്റിയുള്ള അറിയിപ്പുകൾ ലഭിച്ചെങ്കിലും വിമാനം എപ്പോൾ യാത്രതിരിക്കുമെന്നറിയാതെ യാത്രക്കാർ മുറികളിൽ തന്നെ കഴിയുകയാണ്.അവസാനം ലഭ്യമായ വിവരമനുസരിച്ച് രാത്രി 9.30 ഓടെ മാത്രമേ ഈ വിമാനം കൊച്ചിയിൽ നിന്ന് പുറപ്പെടുകയുള്ളൂ.
തുടർച്ചയായ മൂന്നാം ദിവസമാണ് ഈ സർവീസ് അനിശ്ചിതമായി വൈകുന്നത്.കഴിഞ്ഞ രണ്ടു ദിവസങ്ങളിലും അഞ്ചും ആറും മണിക്കൂർ വൈകിയാണ് ദോഹയിൽ നിന്നുള്ള യാത്രക്കാരുമായി വിമാനം കൊച്ചിയിലേക്ക് തിരിച്ചത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക