February 06, 2023
February 06, 2023
ന്യൂസ്റൂം ബ്യുറോ
ദോഹ ജ്വല്ലറി ആന്റ് വാച്ചസ് പ്രദര്ശനം ഈ മാസം 20 മുതല് 25 വരെ നടക്കും. ഇന്ത്യയില് നിന്ന് ഉള്പ്പെടെ അഞ്ഞൂറിലേറെ അന്താരാഷ്ട്ര ബ്രാന്ഡുകള് പ്രദര്ശനത്തിന്റെ ഭാഗമാകും.
ദോഹ എക്സിബിഷന് ആന്റ് കണ്വെന്ഷന് സെന്ററാണ് ജ്വല്ലറി ആന്റ് വാച്ചസ് പ്രദര്ശനത്തിന്റെ വേദി. കണ്ണഞ്ചിപ്പിക്കുന്ന കാഴ്ചകളാകും ഇത്തവണയും ഡി.ജെ.ഡബ്ല്യു ഒരുക്കുക. വിലയേറിയ
രത്നങ്ങളും കല്ലുകളും പതിച്ച ആഭരണങ്ങള്, ഏറ്റവും പുതിയതും അത്യാഢംബര ശ്രേണിയിലുള്ളതുമായ വാച്ചുകള് എന്നിവ പ്രദര്ശനത്തിനുണ്ടാകും.
പ്രാദേശിക, അന്താരാഷ്ട്ര തലത്തിലുള്ള ഡിസൈനര്മാരും ബ്രാന്ഡുകളുമാണ് പങ്കെടുക്കുന്നത്. ഇത്തവണത്തെ പ്രദര്ശനത്തിന്റെ സെലിബ്രിറ്റി മുഖം ആരായിരിക്കുമെന്ന് വരും ദിവസങ്ങളില് അറിയാമെന്ന് ഖത്തര് ടൂറിസം ചെയര്മാനും ഖത്തര് എയര്വേയ്സ് ഗ്രൂപ്പ് സിഇയുമായ അക്ബര് അല് ബാകിര് വാര്ത്താസമ്മേളനത്തില് പറഞ്ഞു.
കഴിഞ്ഞ തവണ ബോളിവുഡ് താരം ആലിയ ഭട്ട് ആയിരുന്നു സെലിബ്രിറ്റി താരം. ഇന്ത്യയില് നിന്നും തുര്ക്കിയില് നിന്നും ആഭരണ നിര്മാതാക്കളുടെ പ്രത്യേക പവലിയനുണ്ടാകും. വാര്ത്താസമ്മേളനത്തില് ഖത്തര് നാഷനല് ബാങ്ക് ഗ്രൂപ്പ് ചീഫ് ബിസിനസ് ഓഫിസര് യൂസുഫ് മുഹമ്മദ് ഹുസൈന് അല് നെയ്മ, ഖത്തര് ടൂറിസം ഷെയേര്ഡ് സര്വീസ് വിഭാഗം ഡയരക്ടര് ഒമര് അബ്ദു റഹ്മാന് അല് ജാബര് എന്നിവരും പങ്കെടുത്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക