April 28, 2021
April 28, 2021
ദോഹ : ഇന്ത്യയുള്‍പ്പെടെ ആറ് രാജ്യങ്ങളില്‍ നിന്ന് ഖത്തറിലേക്ക് വരുന്നവര്‍ക്ക് നിര്‍ബന്ധിത ഹോട്ടല്‍ ക്വാറന്‍റൈന്‍ നിബന്ധന നിലവിൽ വരുന്നതിന്റെ ഭാഗമായി ഡിസ്കവറി ഖത്തർ ഹോട്ടൽ ബുക്കിങ്ങിനായി ഭേദഗതികൾ പുറത്തിറക്കി.ബുക്കിങ്ങിനായി പുതിയ ലിങ്ക് ഏർപെടുത്തിയിട്ടുണ്ട്.ഈ രാജ്യങ്ങളിൽ നിന്ന് വരുന്നവർക്കായി നിശ്ചിത ഹോട്ടലുകൾ നീക്കിവെച്ചിട്ടുണ്ട്.
29 ന് പുലര്‍ച്ചെക്ക് മുമ്പായി യാത്ര ചെയ്യുന്നവര്‍ക്ക് ഏഴ് ദിവസത്തെ പഴയ ബുക്കിങ് മതിയാകും. ഇവര്‍ക്കുള്ള പുതിയ നിര്‍ദേശങ്ങള്‍ മെയില്‍ വഴി അറിയിക്കും.
29 ന് ശേഷമുള്ള യാത്രക്കാരുടെ പഴയ ഏഴ് ദിവസത്തെ ബുക്കിങ് റദ്ദാക്കപ്പെടും. ഇതിന്‍റെ പണം 15 ദിവസത്തിനകം റീഫണ്ട് ചെയ്യും. തുടര്‍ന്ന് യാത്രക്കായി ഇവര്‍ 10 ദിവസത്തെക്കുള്ള പുതിയ ക്വാറന്‍റൈന്‍ ബുക്കിങ് മുഴുവന്‍ പണമടച്ച് നടത്തണം. 27 മുതലുള്ള മുഴുവന്‍ പുതിയ ബുക്കിങുകളും പുതിയ നിബന്ധനകള്‍ക്കനുസരിച്ചായിരിക്കുമെന്നും ഡിസ്കവര് ഖത്തര്‍ അറിയിച്ചു. കൂടാതെ യാത്ര പുറപ്പെടുന്നതിന് മുമ്പുള്ള 48 മണിക്കൂറിനകം എടുത്ത പിസിആര്‍ നെഗറ്റീവ് സര്‍ട്ടിഫിക്കറ്റും നിര്‍ബന്ധമാണ്. ഖത്തറില്‍ വെച്ചോ ഇന്ത്യയില്‍ വെച്ചോ വാക്സിന്‍ സ്വീകരിച്ചവര്‍ക്കും രോഗമുക്തി നേടിയവര്‍ക്കുമൊക്കെ പുതിയ നിബന്ധനകള്‍ ബാധകമാണ്.
ഡിസ്കവര് ഖത്തറിന്‍റെ പുതിയ ലിങ്ക്
ന്യൂസ്‌റൂം വാർത്തകൾ വാട്സ്ആപ്പിൽ ലഭിക്കാൻ ഇവിടെ ക്ലിക്ക് ചെയ്യുക
