November 12, 2022
November 12, 2022
ന്യൂസ്‌റൂം ബ്യുറോ
ദോഹ : കോൺഗ്രസ് നേതാവും ഇടുക്കി എം.പിയുമായ ഡീൻ കുര്യാക്കോസ് ദോഹയിൽ.എന്നാൽ ഖത്തറിലെ കോൺഗ്രസ് പോഷക സംഘടനയായ ഇൻകാസ് നേതാക്കളുമായോ മണ്ഡലത്തിൽ നിന്നുള്ളവരുമായോ ബന്ധപ്പെടാൻ തയാറുകുന്നില്ലെന്ന പരാതിയുമായി ഭാരവാഹികൾ രംഗത്തെത്തി.
ഉത്തരവാദപ്പെട്ട പദവികളിലിരിക്കുന്ന നേതാക്കൾ വിദേശരാജ്യങ്ങൾ സന്ദർശിക്കുമ്പോൾ ആ രാജ്യത്തെ പാർട്ടി ഭാരവാഹികളെ വിവരം അറിയിക്കുന്നതാണ് കീഴ്വഴക്കമെന്നും എന്നാൽ എം.പി ആരുമായും ബന്ധപ്പെടുന്നില്ലെന്നുമാണ് ഇൻകാസ് നേതൃത്വത്തിന്റെ പരാതി.എം.പി എന്ന നിലയിൽ മണ്ഡലത്തിൽ നിന്നുള്ള ആരുമായും ഡീൻ കുര്യാക്കോസ് ബന്ധപ്പെട്ടില്ലെന്നും മണ്ഡലത്തിൽ നിന്നുള്ള പ്രവർത്തകർ ഇക്കാര്യത്തിൽ കടുത്ത അസംതൃപ്തി പ്രകടിപ്പിച്ചതായും ഇൻകാസുമായി ബന്ധപ്പെട്ട വൃത്തങ്ങൾ ന്യൂസ്‌റൂമിനോട് പറഞ്ഞു.
കഴിഞ്ഞ ബുധനാഴ്ച ദോഹയിലെത്തിയ എം.പി ഞായറാഴ്ച നാട്ടിലേക്ക് തിരിച്ചുപോകുമെന്നാണ് വിവരം.ഖത്തറിലെ ഒരു പ്രമുഖ വ്യവസായിക്കൊപ്പം എം.പി ഖത്തറിലെ വിവിധ ഭാഗങ്ങളിൽ വിനോദയാത്ര നടത്തുന്നതിന്റെ ചിത്രങ്ങളും ഇൻകാസ് പ്രവർത്തകരും ഇടുക്കി മണ്ഡലത്തിൽ നിന്നുള്ളവരും പരസ്പരം പങ്കുവെക്കുന്നുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.
