April 02, 2022
April 02, 2022
ദോഹ : ഖത്തറിൽ ഫുട്‍ബോൾ ലോകകപ്പ് കാണാൻ എത്തുന്നവർക്ക് വ്യത്യസ്തമായ ഒരു അനുഭൂതിയൊരുക്കാനുള്ള ഉദ്യമത്തിലാണ് സുപ്രീം കമ്മിറ്റി. എം.എസ്.സി ക്രൂയിസുമായി സഹകരിച്ച്, ലോകകപ്പ് കാണാൻ എത്തുന്ന സന്ദർശകർക്കായി ആഡംബരകപ്പലുകളിൽ താമസമൊരുക്കും. എം.എസ്.സി യൂറോപ്പ, എം.എസ്.സി പോയേസിയ എന്നീ ആഡംബരനൗകകളാണ് സന്ദർശകരെ കാത്തിരിക്കുന്നത്.
ഒഴുകുന്ന ഹോട്ടലുകളായി പ്രവർത്തിക്കുന്ന ഈ കപ്പലുകളിൽ, നാലായിരത്തോളം ക്യാബിനുകളാണുള്ളത്. ദോഹ തുറമുഖത്ത് നങ്കൂരമിടുന്ന ഈ കപ്പലുകളിൽ ഇരുന്ന് വെസ്റ്റ് ബേ സ്‌കൈലൈനിന്റെ മനോഹാരിത ആസ്വദിക്കാനാവും. എം.എസ്.സി ക്രൂയിസുമായി കരാറിൽ ഏർപ്പെടാൻ കഴിഞ്ഞതിൽ അതിയായ സന്തോഷമുണ്ടെന്ന് സുപ്രീം കമ്മിറ്റി സെക്രട്ടറി ജനറൽ ഹസൻ അൽ തവാദി പ്രതികരിച്ചു. അത്യാധുനിക സൗകര്യങ്ങളുള്ള ഈ കപ്പലുകളിൽ നൂതനമായ മാലിന്യനിർമാർജന സാങ്കേതികവിദ്യയുമുണ്ട്.
