November 19, 2022
November 19, 2022
ന്യൂസ്റൂം ബ്യുറോ
ദോഹ : നാളെ തുടങ്ങാനിരിക്കുന്ന ഖത്തർ ലോകകപ്പിനായി ക്രിസ്റ്റ്യാനോ റൊണാൾഡോയുടെ പോർച്ചുഗൽ ടീം ദോഹയിൽ എത്തി.വെള്ളിയാഴ്ച രാത്രിയോടെയാണ് പോർച്ചുഗൽ പട ഖത്തറിൽ എത്തിയത്.
മലയാളികൾ ഉൾപ്പെടെയുള്ള ആരാധകരുടെ വൻ കരഘോഷങ്ങളോടെയാണ് റൊണാൾഡോയെയും സംഘത്തെയും വരവേറ്റത്.വ്യാഴാഴ്ച ലിസ്ബണിൽ നടന്ന സന്നാഹ മത്സരത്തിൽ എതിരില്ലാത്ത നാല് ഗോളുകൾക്ക് നൈജീരിയയെ തോൽപിച്ചാണ് റൊണാൾഡോയും സംഘവും ദോഹയിലേക്ക് യാത്ര തിരിച്ചത്.വയറ്റിലെ അണുബാധയെ തുടർന്ന് റൊണാൾഡോ കളിച്ചിരുന്നില്ല.
ഘാന, ഉറുഗ്വേ, ദക്ഷിണ കൊറിയ എന്നിവരുൾപെടുന്ന ഗ്രൂപ്പ് എച്ചിൽ ഈ മാസം ഇരുപത്തിനാലിന് റാസ് അബു അബൂദിലെ സ്റ്റേഡിയം 974-ൽ ഘാനയ്ക്കെതിരെയാണ് പോർച്ചുഗലിന്റെ ആദ്യ മത്സരം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക