December 03, 2021
December 03, 2021
ദോഹ : ഫിഫ അറബ് കപ്പിലെ മത്സരങ്ങൾ വീക്ഷിക്കാനായി സ്റ്റേഡിയങ്ങളിൽ എത്തുന്ന, 12 വയസിൽ താഴെയുള്ള കുട്ടികൾക്ക് കോവിഡ് നെഗറ്റീവ് സർട്ടിഫിക്കറ്റ് നിർബന്ധമാണെന്ന് ആരോഗ്യമന്ത്രാലയം അറിയിച്ചു. 24 മണിക്കൂർ മുൻപെങ്കിലും എടുത്ത പരിശോധനാഫലവുമായി സ്റ്റേഡിയങ്ങളിൽ എത്തുന്ന കുട്ടികൾക്ക് മാത്രമേ പ്രവേശനം അനുവദിക്കൂ. 2 ഡോസ് വാക്സിനും എടുക്കാത്തവർക്കാണ് ഈ നിബന്ധന.
കളി കാണാൻ എത്തുന്ന കുട്ടികൾക്കായി കോവിഡ് ടെസ്റ്റ് നടത്താൻ അഞ്ച് കേന്ദ്രങ്ങൾ തയ്യാറാക്കിയതായും അധികൃതർ അറിയിച്ചു. മുൻകൂട്ടി ബുക്ക് ചെയ്യാതെ തന്നെ ഇവിടെ എത്തി കോവിഡ് ടെസ്റ്റ് നടത്താവുന്നതാണ്. അൽ ഖോർ, അൽ തുമാമ, അൽ വജ്ബ, ലിയബൈബ്, അൽ വക്ര എന്നീ ആരോഗ്യകേന്ദ്രങ്ങളിലാണ് ടെസ്റ്റ് ചെയ്യാനുള്ള സൗകര്യം ഉള്ളത്. 25 റിയാലാണ് പരിശോധനയ്ക്ക് ഈടാക്കുക.