October 27, 2022
October 27, 2022
ന്യൂസ്‌റൂം ബ്യുറോ
ദോഹ : ഖത്തറിൽ കോവിഡ് ബാധിതരായ ആളുകൾ അഞ്ച് ദിവസം ഐസൊലേഷനിൽ കഴിയണമെന്ന് ഹമദ് ജനറൽ ആശുപത്രി മെഡിക്കൽ ഡയറക്ടർ ഡോ. യൂസഫ് അൽ മസ്‌ലമാനി.ഖത്തറിൽ താമസിക്കുന്നവർ അഞ്ചുദിവസം വീട്ടിൽ തനിച്ച് കഴിയണമെന്നാണ് നിർദേശം.പുറത്തുനിന്ന് വരുന്ന സന്ദർശകർ ഹോട്ടലിലാണ് അഞ്ചുദിവസം ഐസൊലേഷനിൽ കഴിയേണ്ടത്.ഖത്തർ ടെലിവിഷനുമായി സംസാരിക്കുന്നതിനിടെയാണ് അദ്ദേഹം ഇക്കാര്യം വിശദീകരിച്ചത്.
"ആദ്യത്തെ അഞ്ച് ദിവസത്തെ ഐസൊലേഷനുശേഷം, ഇവർക്ക് പുറത്തിറങ്ങാം.എന്നാൽ മറ്റുള്ളവരുമായി ഇടപഴകുമ്പോൾ മാസ്ക് ധരിക്കണം. മുറിയിലോ കാറിലോ അവർ മാസ്ക് ധരിക്കേണ്ടതില്ല," ഡോ. അൽ-മസ്‌ലമാനി പറഞ്ഞു.
അതേസമയം,ഖത്തറിലേക്ക് വരുന്ന യാത്രക്കാർക്കുള്ള കോവിഡ് നിയന്ത്രണങ്ങളിൽ നവംബർ ഒന്ന് ചൊവ്വ മുതൽ ഇളവുകൾ പ്രഖ്യാപിച്ചിട്ടുണ്ട്.ഇതനുസരിച്ച്,ഖത്തറിലേക്ക് വരുന്നവർ യാത്രക്ക് മുമ്പോ ഖത്തറിൽ എത്തിയതിന് ശേഷമോ കോവിഡ് പരിശോധനകൾ നടത്തേണ്ടതില്ല.ആരോഗ്യ കേന്ദ്രങ്ങളിൽ പ്രവേശിക്കുമ്പോൾ മാത്രമായിരിക്കും ഇഹ്തിറാസ് ആപ് നിർബന്ധമുണ്ടാവുക.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
