April 10, 2022
April 10, 2022
ദോഹ : റമദാൻ മാസത്തിൽ ഖത്തറിലെ സ്വകാര്യമേഖലയിലെ തൊഴിലാളികൾ ആഴ്ചയിൽ 36 മണിക്കൂർ ജോലി ചെയ്താൽ മതിയെന്ന് തൊഴിൽ മന്ത്രാലയം അറിയിച്ചു. തൊഴിൽ നിയമത്തിലെ 73ആം ആർട്ടിക്കിൾ പ്രകാരം, റമദാനിൽ ഒരു ദിവസം ആറ് മണിക്കൂർ എന്ന തോതിൽ ആഴ്ചയിൽ 36 മണിക്കൂറാണ് ജോലി ചെയ്യേണ്ടതെന്ന് മന്ത്രാലയം വിശദമാക്കി. ഔദ്യോഗിക ട്വിറ്റർ അക്കൗണ്ടിലൂടെയാണ് ഈ അറിയിപ്പ് പുറപ്പെടുവിച്ചത്. അതേസമയം, മറ്റ് മാസങ്ങളിൽ ദിവസം എട്ട് മണിക്കൂർ എന്ന കണക്കിൽ ആഴ്ചയിൽ 48 മണിക്കൂറാണ് ജോലി ചെയ്യേണ്ടതെന്നും മന്ത്രാലയം ഓർമപ്പെടുത്തി.